ზიანის ანაზღაურების დაკისრება მოვალის მიერ ვალდებულების დარღვევისას

სახელშეკრულებო სამართალი / საგადასახადო დავები / ადვოკატი / Advokati | lawyer / iuristi / ადვოკატის ნომერი

მოვალის მიერ ვალდებულების დარღვევისას, როდესაც მოვალე არ ასრულებს ან არაჯეროვნად ასრულებს თავის მოვალეობას წარმოიშვება ზიანის ანაზღაურების ვალდებულება.

მოვალის მიერ ვალდებულების დარღვევისას კრედიტორს შეუძლია მოითხოვოს ამით გამოწვეული ზიანის ანაზღაურება.

ვალდებულების შესრულების ვადის გადაცილება ვალდებულების დარღვევის ერთ-ერთი გავრეცელებული სახეა.შესრულებისთვის აუცილებელი დრო. მოვალის მიერ ამ დროში ვალდებულების შეუსრულებლობისას, კრედიტორს უფლება აქვს ვალდებულების შესრულების ნაცვლად მოითხოვოს ზიანის ანაზღაურება. დამატებითი ვადის განსაზღვრა არ არის საჭირო, თუ აშკარაა, რომ მას რაიმე შედეგი არ მოჰყვება.

დამატებითი დროის განსაზღვრა საჭირო არ არის მაშინაც, როცა სახეზეა განსაკუთრებული გარემოებები, რომლებიც ორივე მხარის ინტერესების გათვალისწინებით ამართლებენ ზიანის ანაზღაურების მოთხოვნის დაუყოვნებლივ გამოყენებას. მაგალითად, თუ ძირითადი ვადის გასვლის შემდეგ კრედიტორი აღარაა დაინტერესებული ვალდებულების შესრულებით.

მოვალეს პასუხისმგებლობა დაეკისრება მხოლოდ განზრახი ან უხეში გაუფრთხილებლობით მიყენებული ზიანისთვის. მოვალეს ვადის გადაცილების დროს პასუხისმგებლობა ეკისრება ასევე შემთხვევითობისთვისაც, თუ არ დაამტკიცებს, რომ ზიანი შეიძლება დამდგარიყო ვალდებულების დროული შესრულების დროსაც. თუ მან ეს ვერ დაამტკიცა მაშინ მას ზიანის ანაზღაურების პასუხისმგებლობა ეკისრება.ასევე აღსანიშნავია, რომ თუ მოვალემ გადააცილა ფულადი თანხის გადახდის ვადას, გადაცილებული დროისთვის მან უნდა გადაიხადოს კანონით განსაზღვრული პროცენტი.

ზიანის ანაზღაურება შეიძლება დაეკისროს მოვალეს ვალდებულების შესრულების საგნის შეცვლისას. მაგალითად თუ შესრულების საგანი ინდივიდუალურად განსაზღვრული ნივთია, კრედიტორი არაა ვალდებული მიიღოს სხვა ნივთი, თუნდაც უფრო მაღალი ღირებულების. მაშასადამე თუ კონკრეტული ინდივიდუალურად განსაზღვრული ნივთის ნატურით გადაცემა შეუძლებელია, მაშინ კრედიტორს შეუძლია მოითხოვოს მხოლოდ ზიანის ანაზღაურება.ასევე ზიანის ანაზღაურების პასუხისმგებლობა შეიძლება წარმოიშვას ვალდებულების შესრულების ადგილის შეცვლისას. საქმე იმაშია, რომ ვალდებულება უნდა შესრულდეს სათანადო ადგილას.

ასევე კიდევ ერთი საფუძველი რის შედეგადაც შეიძლება ზიანის ანაზღაურების პასუხისმგებლობა დაეკისროს პირს ეს არის კრედიტორის მიერ ვადის გადაცილება. კრედიტორის მიერ ვადის გადაცილებად ითვლება, თუ იგი არ იღებს მისთვის მისთვის შემოთავაზებულ შესრულებას, რომლის შესრულების ვადა დამდგარია. კრედიტორი ვალდებულია ხელი შეუწყოს მოვალეს ვალდებულების შესრულებაში.

ზიანის ანაზღაურება წარმოიშობა ასევე ხელშეკრულებიდან გასვლისას. თუ ხელშეკრულებიდან გასვლა ხდება მოვალის ბრალით და ამ დროს კრედიტორს მიადგება ზიანი, მას უფლება აქვს მოითხოვოს ზიანის ანაზღაურება.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით