როდის ფორმდება წინარე ნასყიდობის ხელშეკრულება

თუ მშენებელმა მშენებლობის ნებართვა 2022 წლის 1 იანვრის შემდგომ მოიპოვა, მას აქვს ვალდებულება მყიდველს ხელშეკრულებაში გარკვევით დაუფიქსიროს ქონების ექსპლუატაციაში მიღების თარიღი, რადგან სწორედ ამ ფაქტის დადგომას უკავშირდება კომუნიკაციების (ბუნებრივი აირი, წყალი, ელ.ენერგია) ობიექტისათვის მიწოდება, ვინაიდან ექსპლუატაციაში მიღებამდე ვერ დადგინდება ზედმიწევნით შეასრულა თუ არა მშენებელმა კომპანიამ სანებართვო დოკუმენტაციით ნაკისრი ვალდებულებები, ასეთი ფაქტის დადგომამდე უნდა გაფორმდეს წინარე ნასყიდობის ხელშეკრულება.

წინარე ნასყიდობის ხელშეკრულება ფორმდება მაშინ როცა ნასყიდობის საგანი ასაშენებელი ქონებაა და იგი წარმოადგენს სამომავლო საგანს.

ექსპლუატაციაში მიღების თაობაზე აქტის გამოცემის შემდგომ მშენებელი უფლებამოსილია აღრიცხოს ის მომავალი მესაკუთრეები მესაკუთრეებად საჯარო რეესტრში, რომლებმაც კეთილსინდისიერად შეასრულეს მათზე ნასკისრი თანხის გადახდის ვალდებულება.

თუ გადასაცემი ფართის კონდიციები ძირითადი ნასყიდობის ხელშეკრულების გაფორმების მომენტისათვის არ შეესაბამება შეთანხმებულ მდგომარეობას ასეთ დროს ფიქსირდება მშენებლის ვალდებულება რომ კონკრეტულ ვადაში დაასრულოს შეთანხმებულ მდგომარეობამდე მიყვანა.

ძირითადი ნასყიდობის ხელშეკრულების გაფორმებისა და შეთანხმებული კონდიციების მიღწევის შემდეგ მხარეთა შორის ფორმდება საბოლოო მიღება-ჩაბარების აქტი, რომლითაც ისინი ადასტურებენ ერთმანეთის მიმართ ნაკისრი ვალდებულებების ჯეროვან შესრულებას.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.