კომლის საკუთრება და კომლის მემკვიდრეობის საკითხი

თუ პირი ფლობს მიწის ნაკვეთს ან უძრავ ქონებას, მისი საკომლო წილიდან,საარქივო ჩანაწერისა და ამავე უძრავ ქონებაზე საკადასტრო ნახაზის საფუძველზე შეუძლია ოფიციალურად დაისაკუთროს მიწის ნაკვეთი.

მიწის ნაკვეთში მოიაზრება სახნავი,სათიბი,საძოვრის მიწები,საკარმიდამო მიწის ნაკვეთები.

მიწის დაკანონებისას საკომლო წილიდან ამონაწერი უნდა შეიცავდეს კომლის წევრების უტყუარ ინფორმაციას და კომლის ქონების მონაცემებს 2007 წლის 20 სექტემბრის მდგომარეობით.

თუ საკომლო წილის საარქივო ჩანაწერებში მითითებულია კომლის წევრებზე ინფორმაცია,მაგრამ არ იძებნება ამ საკომლო ამონაწერში თქვენი ქონებრივი მდგომარეობა, ამ დროს შეგიძლიათ დაირეგისტრიროთ საცხოვრებელი სახლი და ის მიწის ნაკვეთიც,რომელსაც ფლობთ,მხოლოდ 7500 კვ.მ ოდენობით.

მხოლოდ იმ კომლის წევრზე დარეგისტრირდება მიწის ნაკვეთი,რომლის კომლის წევრობა უტყუარად დგინდება.თუ მაგ:მითითებულია ,რომ კომლის წევრი საცხოვრებლად გადავიდა ცალკე,ან გამოეყო კომლს ,კომლის ეს წევრი ვერ დარეგისტრირდება ამ მიწის ნაკვეთის მესაკუთრედ ან თანამესაკუთრედ.

თითოეული კომლის წევრზე აღირიცხება თანასაკუთრება.

თუ ერთ-ერთი თანამესაკუთრე გარდაიცვლება,მაშინ კომლის მის წილზე საკუთრების რეგისტრაციის მოთხოვნის უფლება გადადის მემკვიდრეობით.

თუ საკომლო წიგნის საარქივო ჩანაწერებში მითითებული ყველა წევრი გარდაიცვალა 2019 წლის 1 აგვისტომდე,მაშინ კომლის საერთო ქონებაზე რეგისტრაციის მოთხოვნის უფლება აქვს კომლის ბოლო გარდაცვლილი წევრის მემკვიდრეს.თუ საჯარო რეესტრში კომლის საერთო ქონება რეგისტრირებული არ არის და კომლის წევრი გარდაცვლილია 2019 წლის 1 აგვისტოს შემდეგ, გარდაცვლილის წილ ქონებაზე სამკვიდრო გაიხსნება და რეგისტრაციის უფლება გადავა მის მემკვიდრეზე .

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.