საკარმიდამო მიწის ნაკვეთზე საკუთრების უფლების რეგისტრაცია

საკარმიდამო მიწის ნაკვეთი კანონმდებლობაში ორგვარად განიმარტება. ერთ შემთხვევაში, საკარმიდამო მიწის ნაკვეთი როგორც სასოფლო-სამეურნეო დანიშნულების მიწის ნაკვეთი, რომელიც, უფლების დამდგენი დოკუმენტის შესაბამისად, გაცემულია საკარმიდამო ან/და საოჯახო მეურნეობის მოსაწყობად, მასზე განთავსებული ინდივიდუალური საცხოვრებელი სახლით (აშენებული, მშენებარე ან დანგრეული), სამეურნეო ნაგებობით ან/და დამხმარე ნაგებობით ან მის გარეშე.

მეორე შემთხვევაში, საკარმიდამო მიწის ნაკვეთი განმარტებულია როგორც მიწის ნაკვეთი, რომელზედაც უფლების დამადასტურებელი დოკუმენტი არ იძებნება (არ გაცემულა ან დაკარგულია), ამასთანავე, მუნიციპალიტეტის მიერ გაცემული ცნობით დასტურდება, რომ ეს მიწის ნაკვეთი გაცემულია საკარმიდამო ან/და საოჯახო მეურნეობის მოსაწყობად და მისი ფართობი ბარში არ აღემატება 1.25 ჰა-ს, ხოლო „მაღალმთიანი რეგიონების განვითარების შესახებ“ საქართველოს კანონის შესაბამისად განსაზღვრულ მაღალმთიან დასახლებაში − 5 ჰა-ს.

აქედან გამომდინარე, საკარმიდამო მიწის ნაკვეთზე საკუთრების უფლების რეგისტრაცია შესაძლებელია, ერთი მხრივ, თუ დაინტერესებულ პირს გააჩნია შესაბამისი უფლების დამდგენი დოკუმენტი (ეს შეიძლება იყოს საარქივო ცნობა, მიღება-ჩაბარების აქტი და ა.შ) და მეორე მხრივ, თუკი ასეთ მიწის ნაკვეთზე უფლების დამადასტურებელი დოკუმენტი არ იძებნება (არ გაცემულა ან დაკარგულია). მეორე შემთხვევის დროს, მუნიციპალიტეტი გასცემს შესაბამის ცნობას, რომლითაც დადასტურდება, რომ სარეგისტრაციოდ წარდგენილი მიწის ნაკვეთი დაინტერესებული პირის (ან მისი კომლის) სახელზე გაცემული იყო საკარმიდამო ან/და საოჯახო მეურნეობის მოსაწყობად.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.