Adeguata Verifica (QAV) - უცილებელი ინფორმაციის განახლება

თუკი იტალიაში ცხოვრობ და თუ იყენებ „Poste Italiane“-ის ბარათს, შენთვის მნიშვნელოვანია იცოდე ახალი რეგულაციის შესახებ, რომელიც შესაძლოა გავლენას ახდენდეს შენს საბანკო ოპერაციებზე.

თუ ბოლო პერიოდში მიიღო ელფოსტით შეტყობინება „Poste Italiane“-სგან, სადაც საუბარია კითხვარის Questionario di Adeguata Verifica (QAV) –განახლებაზე, ეს ნიშნავს, რომ უნდა მოახდინო შენი ფინანსური ინფორმაციის გადამოწმება.

გაფრთხილება: თუ არ განაახლებ კითხვარს დროულად, შესაძლოა შეგეზღუდოს წვდომა საბანკო სერვისებზე. ეს მოიცავს ისეთი ოპერაციების შეუძლებლობას, როგორიცაა გადარიცხვები, ბალანსის ნახვა, და სხვა საბანკო ფუნქციები.

Adeguata Verifica არის საფინანსო ზედამხედველობის ევროპული რეგულაცია, რომლის მიზანია მომხმარებლის იდენტობისა და ფინანსური მდგომარეობის გადამოწმება. ბანკებს ევალებათ იცოდნენ, საიდან მოდის კლიენტის სახსრები და რა სახის ეკონომიკურ აქტივობას ეწევა.

ეს რეგულაცია ძალაშია ევროკავშირის მასშტაბით და უზრუნველყოფს ფულის გათეთრების პრევენციას და ტრანსპარენტულობას საბანკო სისტემაში.

QAV კითხვარის შევსებისას საჭიროა შემდეგი ტიპის ინფორმაციის წარდგენა:

• სამუშაო ადგილი – კონკრეტული ორგანიზაციის დასახელება და სათაო ოფისის მისამართი.

• წლიური შემოსავალი – საშუალო მონაცემი ან შეფასება.

• მემკვიდრეობით მიღებული ქონება – გაქვს თუ არა, რა ღირებულებისაა.

• უძრავი ქონება – საკუთრებაში გაქვს თუ არა და რამდენად ფასობს.

• სხვა საბანკო ანგარიშები – რომელ ბანკებში გაქვს ანგარიშები და რა ტიპის.

ბანკი ითხოვს სრულ ფინანსურ სურათს, რათა შეძლოს შენი ეკონომიკური საქმიანობის შეფასება.

შევსება შესაძლებელია ორი გზით:

1. ონლაინ რეჟიმში – ეწვიე ოფიციალურ ვებსაიტს:
   https://www.poste.it/aggiornamento-questionario-adeguata-verifica

2. პირადად ბანკში მისვლით – მიბრძანდი შენს ფილიალში და შეავსე კითხვარი ადგილზე.

შევსება ხდება:

• ბარათის პირველად აღებისას

• ან ბარათის გამოყენების გარკვეული დროის შემდეგ, როცა ბანკი ითხოვს მონაცემების განახლებას.

თუ არ განაახლებ დროულად, ბანკს უფლება აქვს დაბლოკოს შენი ბარათით სარგებლობა.