გადაიდო - Entry/Exit System (EES) ვიდეო

ჩემს წინა ვიდეოში ვისაუბრე შენგენის ზონაში საზღვრის კვეთის ახალი რეგულაციების შესახებ, რომელიც 2024 წლის 10 ნოემბერს უნდა ამოქმედებულიყო. თუმცა, მინდა გაცნობოთ, რომ აღნიშნული რეგულაციების ამოქმედება კვლავ გადაიდო. ეს იმას ნიშნავს, რომ ამ თარიღიდან ახალი ელექტრონული (ბიომეტრიული) სისტემა არ შევა ძალაში.

ეს გადადება პირველი არ არის. თავდაპირველად პროგრამის ამოქმედება

• 2022 წლის პირველ ნახევარში იგეგმებოდა,
• შემდეგ რეგულაციები 2023 წლის მაისამდე გადაიდო,
• შემდეგ 2023 წლის ბოლომდე
• და ბოლოს 2024 წლის 10 ნოემბრამდე.

ამჟამად კი პროგრამის ჩაშვების ახალი თარიღი კვლავ გაურკვეველია.

ჩვენი ბიურო, "ნაკაშიძე და პარტნიორები", ევროკომისიისგან ოფიციალური შეტყობინება მიიღო, სადაც დადასტურდა, რომ გადადების მიზეზი ევროკავშირის წევრი ქვეყნების ტექნიკური მოუმზადებლობაა. ევროკავშირის შიგნით, სისტემის ტესტირება ჯერ კიდევ არ დაწყებულა, რაც აჩვენებს, რომ ქვეყნები ვერ უზრუნველყოფენ პროგრამის დროულად ამოქმედებას.

აღსანიშნავია, რომ ეს გადადება განსაკუთრებით მნიშვნელოვანია იმ ადამიანებისთვის, ვინც იტალიიდან საქართველოში ბრუნდება Decreto Flussi-ის ფარგლებში და ელოდება, რომ ამ რეგულაციების ამოქმედება შესაძლოა საზღვრის კვეთისას დამატებითი სირთულეები შექმნიდა. ამ პროგრამის ფარგლებში, უმნიშვნელოვანესია გაითვალისწინოთ, რომ იტალიაში ყოფნა ოფიციალურად დაუშვებელია.

მინდა დავამატო, რომ ჩვენს კლიენტებს, რომლებიც Nulla Osta-ს საფუძველზე მიიღეს სამუშაო ვიზა საქართველოში, ყველა საჭირო პროცედურა წარმატებით გაიარეს და იტალიაში შესვლა ყოველგვარი შეფერხების გარეშე შეძლეს.