გარემოს დაცვისა და ბუნებრივი რესურსების კომიტეტმა რუსთავში ატმოსფერული ჰაერის მდგომარეობის შესახებ იმსჯელა

გარემოს დაცვისა და ბუნებრივი რესურსების კომიტეტმა რუსთავის მერის, ნინო ლაცაბიძისგან და გარემოს დაცვისა და სოფლის მეურნეობის სამინისტროს სტრუქტურული ერთეულების ხელმძღვანელებისგან ქალაქ რუსთავში ატმოსფერული ჰაერის მდგომარეობის შესახებ ინფორმაცია მოისმინა.

ნინო ლაცაბიძემ 2020 წლიდან დღემდე განხორციელებულ რეფორმებზე ისაუბრა, განსაკუთრებით გამოყო სატრანსპორტო სექტორში განხორციელებული რეფორმა და ასევე, მწვანე სივრცეების შენარჩუნებისა და განვითარების კუთხით გატარებული ღონისძიებები.

გარემოს დაცვისა და სოფლის მეურნეობის სამინისტროს გარემოსა და კლიმატის ცვლილების დეპარტამენტის ხელმძღვანელმა ნინო თხილავამ ცენტრალური ზონის, კერძოდ, ქალაქ რუსთავის ატმოსფერული ჰაერის ხარისხის მართვის 2023–2025 წლების გეგმის განხორციელების შედეგებზე ისაუბრა. კომიტეტის წევრებს რუსთავში ატმოსფერული ჰაერის ხარისხის მონიტორინგის შედეგები სსიპ გარემოს ეროვნული სააგენტოს დაბინძურების დეპარტამენტის ხელმძღვანელმა მარინე არაბიძემ გააცნო.

ასევე, გარემოსდაცვითი ზედამხედველობის დეპარტამენტის უფროსის მოადგილემ, ნელი კორკოტაძემ ქალაქ რუსთავში ატმოსფერული ჰაერის ხარისხისა და განხორციელებული საქმიანობის შესახებ 2025 წლის ანგარიში წარადგინა და აღნიშნა, რომ ყველა იმ მსხვილ საწარმოში, რომლებიც გავლენას ახდენენ ატმოსფერული ჰაერის დაბინძურებაზე დეპარტამენტმა მოახდინა ინტენსიური და კომპლექსური ინსპექტირება.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები