საქართველოსა და იტალიას შორის მართვის მოწმობების ურთიერთაღიარების შეთანხმება განხილვის საბოლოო ეტაპზეა

იტალიის რესპუბლიკაში საქართველოს საგანგებო და სრულუფლებიანი ელჩი, ქალბატონი თამარ ლილუაშვილი და პოლიციის ატაშე ბატონი ვლადიმერ ბორცვაძე, სამუშაო შეხვედრაზე შეხვდნენ იტალიის ინფრასტრუქტურისა და ტრანსპორტის სამინისტროს დიპლომატიურ მრჩეველს, ჯოვანი ვიტორიო მარია დონატოს.

შეხვედრის ფარგლებში მხარეებმა განიხილეს საქართველოსა და იტალიას შორის მართვის მოწმობების ურთიერთაღიარების საკითხი. აღინიშნა, რომ შეთანხმების ტექსტზე პროცედურული სამუშაოები დასასრულს უახლოვდება და დოკუმენტს უახლოეს მომავალში ხელი მოეწერება.

საქართველოს ელჩმა ხაზგასმით აღნიშნა, რომ აღნიშნული შეთანხმება მნიშვნელოვნად გაამარტივებს იტალიაში მცხოვრები საქართველოს მოქალაქეებისთვის სამართლებრივად გამართული მობილობის უზრუნველყოფას. შეთანხმების ძალაში შესვლის შემდეგ, მოქალაქეებს შესაძლებლობა ექნებათ ქართული მართვის მოწმობები კანონიერად და რეგულაციების სრული დაცვით გადააცვალონ იტალიურ მართვის მოწმობებში.

აღნიშნული ინიციატივა კიდევ ერთი ნაბიჯია საქართველოსა და იტალიის თანამშრომლობის გაღრმავების მიმართულებით, რომელიც ხელს შეუწყობს ორ ქვეყანას შორის ურთიერთობების გაძლიერებას ტრანსპორტისა და ინფრასტრუქტურის სფეროში.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები