საპენსიო სააგენტოს ორგანიზებით საინვესტიციო პროცესების ხუთი წლის შემაჯამებელი პრეზენტაცია გაიმართა

საპენსიო სააგენტოს ორგანიზებით საინვესტიციო პროცესების ხუთი წლის შემაჯამებელი პრეზენტაცია და პანელური დისკუსია გაიმართა. საპენსიო სააგენტოს ღონისძიება მიზნად ისახავდა ორგანიზაციის დაარსებიდან დღემდე არსებული საინვესტიციო შედეგების ფართო საზოგადოებისთვის გაცნობას.

"5 წლის განმავლობაში, საპენსიო აქტივების საინვესტიციო ჯამურმა ამონაგებმა 1 მილიარდ ლარზე მეტი შეადგინა და საპენსიო აქტივები 4.8 მილიარდი ლარის ოდენობით არის განსაზღვრული. 5 წლის წინ დაიწყო რეფორმა და მოგეხსენებათ, რომ ამ პერიოდში ქვეყანამ გაიარა პანდემია, მსოფლიო ეკონომიკური რყევები, მაგრამ დღეს ჩვენ წარმოვადგინეთ ის შედეგები, რომელზეც პოზიტიურად ვსაუბრობთ“ - აცხადებს საპენსიო სააგენტოს დირექტორის მოვალეობის შემსრულებელი გიორგი ჭიჭინაძე.