წიგნის ქართველი ქურდები?! 2 მი­ლი­ონ ევ­რო­ზე მე­ტის ღი­რე­ბუ­ლე­ბის წიგ­ნე­ბი მო­ი­პა­რეს

იტალიური გამოცემა '' corriere della sera'' სტატიას აქვეყნებს სათაურით, ვინ იპარავს პუშკინის პირველ გამოცემებს ევროპაში? მათი ბოლო ''მსხვერპლი'' იყო ბერლინის მთავარი საჯარო ბიბლიოთეკა ''Staatsbibliothek'' -ი. გერმანიის პოლიციის ინ­ფორ­მა­ცი­ით, ბიბ­ლი­ო­თე­კი­დან წა­ი­ღეს რუ­სუ­ლი ლი­ტე­რა­ტუ­რის ხუთი იშ­ვი­ა­თი გა­მო­ცე­მა, მათ შო­რის, პუშ­კი­ნის სამი წიგ­ნი, პირ­ვე­ლი გა­მო­ცე­მე­ბი. ხუთივე უძველესი წიგნი უსარგებლო ასლებით არის შეცვლილია.

''ფაქსიმილები'' - ასლები ძალიან კარგად არის გაკეთებული – აცხადებს ბარბარა ჰაინდლმი, Staatsbibliothek-ის სპიკერი. თქვენ უნდა დააკვირდეთ მათ გამადიდებელი შუშებით, რომ შეამჩნიოთ შეუსაბამობები, როგორიცაა ბეჭდვის მცირე დეფექტები, შეცდომით დადებული შტამპი, განსხვავებული ქაღალდი“. მოპარულ იშვიათ და ღირებულ გამოცემებს შორის არის: 1831 წლის "ბორის გოდუნოვი", 1828 წლის "კავკასიის ტყვე", "ძმები ყაჩაღი" 1827 წ.

პუშკინისა და სხვა რუსი ავტორების ქურდები ევროპაში თითქმის ორი წელია რაც შეთანხმებულად მოქმედებენ. მათ შეძლეს უნიკალური, პირველი გამოცემების მოპარვა მთელ ევროპაში:

ტარსუ (ესტონეთი),

რიგა (ლატვია),

ვილნიუსი (ლიტვა),

ვარშავა (პოლონეთი),

ჟენევა (შვეიცარია),

ლიონი, პარიზი (საფრანგეთი),

ბერლინი (გერმანია).

ფრან­გი გა­მომ­ძი­ებ­ლე­ბის ინ­ფორ­მა­ცი­ით, ქურ­დო­ბას "ქარ­თუ­ლი ქსე­ლი" ახორ­ცი­ე­ლებს, რო­მე­ლიც "სტრუქ­ტუ­რი­რე­ბუ­ლი და ორ­გა­ნი­ზე­ბუ­ლი ჯგუ­ფია“. მა­თი­ვე ინ­ფორ­მა­ცი­ით, ამ ქსე­ლის წარ­მო­მად­გენ­ლებ­მა 2 მი­ლი­ონ ევ­რო­ზე მე­ტის ღი­რე­ბუ­ლე­ბის წიგ­ნე­ბი მო­ი­პა­რეს და სა­ვა­რა­უ­დოდ, მოს­კოვ­ში გა­ყი­დეს.

დამნაშავეები მოქმედებენ შემდეგი სქემით: პირველად ხდება იშვიათი წიგნების კატალოგებს ინტერნეტით შემოწმოება, შემდეგ 50-დან 65 წლამდე პიროვნებებს აგზავნიან ბიბლიოთეკებში, რომლებიც ბიბლიოთეკარებს ეცნობიან როგორც, ''მეცხრამეტე საუკუნის ცენზურის და ბეჭდვის ისტორიის მეცნიერებად'', წიგნს დეტალურად უღებს ფოტოებს, შემდეგ ამზადებენ ორიგინალთან მაქსიმალურად მიახლოებულ ვარტიანტს, ბანდის წევრი კვლავ სტუმრობს ბიბლიოთეკას და ორიგინალი გამოაქვს, მის ნაცვლად კი ბიბლიოთეკაში ყალბ ნამუშევარს ტოვებს.

პოლიციის განცხადებით ნაწილობრივ ბანდას მიაკვლიეს: კრიმინალური დაჯგუფების წევრები ქართველები არიან. ერთ-ერთი მათგანი ბრიუსელის აეროპორტში გააჩერეს, მეორე კი ესტონეთში დააკავეს. დაკავებულები უარყოფენ რაიმე სახის მონაწილეობას დაჯგუფების წევრებთან და წიგნების ქურდობებთან დაკავშრებით.

მთავარი კითხვა არის შემდეგი - მაგრამ რატომ რუსული წიგნები? კერძოდ კი პუშკინი? მართალია, დაკარგულ ნამუშევრებს შორის ის მხოლოდ პუშკინის წიგნები არ არის, არის ლერმონტოვი, გოგოლი და სხვა კლასიკოსები, მაგრამ ყველაზე ძვირფასი მაინც პუშკინია. "პუშკინი ოქროა", - ამბობს France Presse-ს ორიგინალების შემსყიდველი.

და მაინც ვინ დგას ამ ყველაფრის უკან?

სრულად იხილეთ აქ