ბინათმესაკუთრეთა ამხანაგობების განვითარების ხელშეწყობის პროგრამა

ვაკის რაიონის გამგეობის „ბინათმესაკუთრეთა ამხანაგობების ხელშეწყობის პროგრამის“ ფარგლებში და მოსახლეობის განაცხადების საფუძველზე, მიმდინარე წელს, 104 სარეაბილიტაციო პროექტი დაფინანსდა, - ამის შესახებ ინფორმაციას თბილისის მერია ავრცელებს.

მათივე ინფორმაციით, განცხადებების განხილვის შედეგად, სხვა სამუშაოებთან ერთად, ლიფტები 53 მისამართზე, წყალარინების ქსელები - 14 მისამართზე რეაბილიტირდა, კორპუსების სახურავები - 12 მისამართზე მოეწყო, 3 მისამართზე კი, წყალსაწრეტი მილები დამონტაჟდა. გარდა ამისა, 3 მისამართზე კორპუსების სართულშუა ნაპრალების რეაბილიტაცია მოხდა, 4 მისამართზე საერთო სარგებლობის კიბეები განახლდა, 4 მისამართზე კი სადარბაზოს კარი გამოიცვალა.

„ბინათმესაკუთრეთა ამხანაგობების განვითარების ხელშეწყობის პროგრამის“ წესის მიხედვით, სხვადასხვა სარეაბილიტაციო სამუშაოს განხორციელებისას პროექტების ღირებულების 5% - 10% ამხანაგობის საერთო ანგარიშზე რჩება და მოსახლეობის მიერ კორპუსის საერთო საჭიროებებს მოხმარდება.

ამხანაგობა ვალდებულია, განახორციელოს „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში დაფინანსებული სამუშაოების შედეგად რეაბილიტირებული და ამხანაგობის საერთო სარგებლობაში არსებული ქონების მოვლა-პატრონობა.

ფოტო:თბილისის მერია

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.