უძრავი ქონების გაქირავების ფასი მცირდება

უძრავი ქონების გაქირავების ფასები ნელ-ნელა დაბლა იწევს, - ამის შესახებ Business Insider Georgia-ს უძრავი ქონების კომპანია „სიგმას“ მფლობელმა ზურა ლაჩაშვილმა განაცხადა.

მისი თქმით, პიკის შემდეგ ქირის ფასმა კლება უკვე 1-1,5 თვეა რაც დაიწყო. მისივე განმარტებით, ამის მიზეზი მოთხოვნის შემცირებაა.

„მოთხოვნა ისეთივე მაღალი აღარ არის. ფაქტობრივად, განახევრებულია. ზოგადად ასეა, როდესაც ბაზარზე გარკვეული აჟიოტაჟი ხდება მაშინ ამას თან სდევს ფასების მატება. როდესაც ფასები გარკვეულ პიკს აღწევს მერე არის მცდელობა ამ ფასების შენარჩუნების, მაგრამ ბაზარს თავისი წესები აქვს: მოთხოვნა მიწოდება თუ შეიცვალა ბუნებრივია, იცვლება ფასებიც “, - განმარტავს ზურა ლაჩაშვილი.

გაგრძელდება თუ არა ქირის ფასის კლება მომდევნო თვეებიც, კომპანია „სიგმაში“ კონკრეტულ პროგნოზებს ვერ აკეთებენ.

„გააჩნია მოთხოვნა როგორი იქნება, თუ მორიგი მობილიზაცია გამოცხადდება, მაშინ ქვეყანაში შესაძლოა მიგრანტების ახალი ნაკადი შემოვიდეს“, - აცხადებს ლაჩაშვილი.

TBC Capital-ის ინფორმაციით, 2023 წლის მარტში საცხოვრებელი უძრავი ქონების ბაზარზე გაყიდული ბინების რაოდენობა თებერვლის მაჩვენებელს 2%-ით ჩამორჩა. თბილისში სულ 3,328 ტრანზაქცია დაფიქსირდა, რაც 7%-ით ნაკლებია წინა წლის იმავე პერიოდთან შედარებით.

TBC Capital-ის ინფორმაციითვე მარტში საშუალო გასაქირავებელი ფასი 4.5%-ით გაიზარდა თებერვალთან შედარებით და 13.2$-ს

მიაღწია.

წლიურ ჭრილში ქირის ფასის ზრდამ 101% შეადგინა. საცხოვრებელი უძრავი ქონების ამონაგები 12.1%-ს გაუტოლდა, რაც 3.7 პროცენტული პუნქტით (პპ) აღემატება 2022 წლის მარტის მაჩვენებელს.

წყარო:bussinessinsider.ge

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.