დასაქმების საშუამავლო კომპანიებს სავალდებულო სერტიფიცირება მოუწევთ

უცხოელებს შესაძლოა საქართველოში კონკრეტულ პროფესიებზე დასაქმება შეეზღუდოთ.

ჯანდაცვის სამინისტრომ ახალი საკანონმდებლო ცვლილებები მოამზადა, რომელიც შრომითი მიგრაციის რეგულირებას ეხება. მთავრობის მომზადებული პაკეტის განხილვა პარლამენტმა დღეიდან დაიწყო.

კანონპროექტში ვკითხულობთ: "მთავრობას შეუძლია შეზღუდოს უცხოური სამუშაო ძალის იმ პროფესიის ან სპეციალობის მოზიდვა, რომელიც არ მოითხოვს მაღალკვალიფიციურ შრომას ან რომელშიც საქართველოს შრომის ბაზარზე ადგილობრივი სამუშაო ძალის მიწოდება აჭარბებს (ან გადააჭარბებს) მასზე მიმდინარე მოთხოვნას;

ასევე შეზღუდვის პარალელურად სახელმწიფოს უჩნდება უფლება წაახალისოს უცხოური სამუშაო ძალის მოზიდვა ისეთი პროფესიით ან სპეციალობით შრომითი მოწყობის მიზნით, რომელიც მოითხოვს მაღალკვალიფიციურ შრომას ან რომელშიც საქართველოს შრომის ბაზარზე ადგილობრივი სამუშაო ძალის მიწოდება ვერ აკმაყოფილებს (ან ვერ დააკმაყოფილებს) მასზე მიმდინარე (ან პერსპექტიულ) მოთხოვნას".

კითხვაზე რა პროფესიებზე შეიძლება აღნიშნული შეზღუდვა ამოქმედდეს ჯანდაცვის მინისტრის მოადგილეს ჯერ პასუხი არ აქვს.

“ნებისმიერი მიგრაციის კანონის მოტივატორი არის ადგილობრივი მოქალაქეების დასაქმების ხელშეწყობა. ბუნებრივია, ეს პროცესი ჩვენთვისაც ერთ-ერთი მთავარი მოტივატორია. შესაბამისად, მთელი ჩვენი პროცესი მიმართულია იმისკენ, რომ ჩვენ ადგილობრივ შრომით ბაზარზე წავახალისოთ ადგილობრივი მოსახლეობის დასაქმება. იმ შემთხვევაში როცა ადგილობრივ მოსახლეობას გააჩნია შესაბამისი უნარები და კვალიფიკაცია, ამ შემთხვევაში საუბარი გვაქვს მხოლოდ დაბალკვალიფიურ მუშახელზე, შეგვიძულია ადგილობრივ ბაზარზე მათი ხელმისაწვდომობა წავახალისოთ.

ეს პროცესი განხილული იქნება სამმხრივი დიალოგის ფარგლებში და ბიზნეს ასოციაციებთან თანამშრომლობით. ეს არ იქნება ცალმხრივად უკვე ჩამოყალიბებული საქმიანობები, რომელზეც მთავრობა მიიღებს გადაწყვეტილება. ნებისმიერი მომდევნო ნაბიჯი იქნება ბიზნეს ასოციაციების მხარდაჭერით მიღებული,”-აცხადებს ჯანდაცვის მინისტრის მოადგილე თამარ ბარკალაია.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის- ადამიანის უფლებათა ევროპულ სასამართლოში;