ივნისიდან ავტომობილებს გამონაბოლქვზე შეამოწმებენ

სიახლე / ადვოკატი / Advokati | lawyer / iuristi / ადვოკატის ნომერი

გარემოს დაცვის ზედამხედველობის დეპარტამენტი 2023 წლის ივნისიდან ოთხი ქალაქის გზებზე ავტოსატრანსპორტო საშუალებებზე ხელოვნური გამონაბოლქვის კონტროლის განხორციელებას გეგმავს.

ნებისმიერი ტიპის ავტოსატრანსპორტო საშუალება გაჩერდება და სპეციალური მოწყობილობებით შემოწმდება გამონაბოლქვზე, იმ შემთხვევაში, თუ გაზომვის დროს აღმოჩნდება, რომ გამონაბოლქვში მავნე ნივთიერებები გადაჭარბებულია, ფიზიკური პირის შემთხვევაში საჯარიმო სანქცია განისაზღვრება 100 ლარით, ხოლო, 30 დღის განმავლობაში გამეორების შემთხვევაში, ჯარიმა გასამმაგდება და გახდება 300 ლარი.

დასაწყისისთვის აქცენტი გაკეთდება ხილულ გამონაბოლქვზე, თუმცა, გარდა ამისა, ეკიპაჟს ნებისმიერი ტიპის ავტოსატრანსპორტო საშუალების გაჩერებისა და შემოწმების უფლება ექნება.

ამასთან, თუ ავტოსატრანსპორტო საშუალების მესაკუთრე არ დაეთანხმება შედეგებს, მას აქვს უფლება მანქანა უახლოეს ტექინსპექტირების ცენტრში გადაიყვანოს, სადაც ავტომობილი მთლიანად გაივლის ტექდათვალიერებას.

თუ ტექდათვალიერების შემდეგ ავტომობილზე იგივე პრობლემები იქნება აღნიშნული, საჯარიმო სანქცია ძალაში დარჩება, ხოლო, თუ აღნიშნული პრობლემები არ დადასტურდება, ამ შემთხვევაში ჯარიმის ანულირება მოხდება და გავლილი ტექინსპექტირების საფასურის გადახდაც აღარ დაეკისრება ავტო-სატრანსპორტო საშუალების მესაკუთრეს.

გზებზე ტრანსპორტის გამონაბოლქვის შემადგენლობის კონტროლი ოთხ ქალაქში, კერძოდ - თბილისში, ბათუმში, რუსთავსა და ქუთაისში დაიწყება.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით