ადვოკატის რჩევები ავტო-საგზაო შემთხვევისას

საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს ადვოკატი ნათია ნაკაშიძე გირჩევთ როგორ მოიქცეთ ავტო-საგზაო შემთხვევის დროს. ავტო-საგზაო შემთხვევები ყოველ წლიურად მატულობს, იზრდება დაზარალებულთა რიცხვი, ავარიის დროს ბევრს უჩნდება კითხვა თუ როგორ მოიქცეს ვის მიმართოს, ვის ეკისრება ზიანის ანაზღაურების ვალდებულება.

ადმინისტრაციული სამართალდარღვევის ოქმს ადგენს საპატრულო პოლიციის თანამშრომელი, ადმინისტრაციული სამართალდარღვევის ოქმს თან ახლავს საჯარიმო სანქცია.

სამართალდარღვევის ოქმში, საპატრულო პოლიციის თანამშრომელი ადგენს, თუ რომელი სატრანსპორტო საშუალების მძღოლმა დაარღვია საგზაო მოძრაობის წესები, რამაც განაპირობა ავტოსაგზაო შემთხვევა. 

უნდა აღინიშნოს, რომ სამართალდარღვევის ოქმით დგინდება თუ ვინ არის დამნაშავე და ვინ მართალი. ხოლო ის პირი, ვისაც აჯარიმებს პოლიცია, ითვლება სამართალდამრღვევად და სწორედ ამ პირს წარმოეშობა ჯარიმის გადახდასთან ერთად, დაზიანებული სატრანსპორტო საშუალებების ავარიამდელ მდგომარეობაში მოყვანის პასუხისმგებლობა;

მას შემდეგ, რაც სამართალდარღვევის ოქმი და ზიანის შეფასება იქნება სახეზე,  კანონი გვაძლევს შესაძლებლობას, რათა თავი ავარიდოთ ვადებში გაწელილ და ხარჯიან სასამართლო პროცესს. აღსრულების ფურცელი შეგვიძლია ავიღოთ პირდაპირ შინაგან საქმეთა სამინისტროდან ოქმის საფუძველზე.

იმ შემთხვევაში, თუ ავტოსაგაზაო შემთხვევა გასცდება ადმინისტრაციულ ფარგლებს და საკითხი მიეკუთვნება სისხლისსამართლებრივ კატეგორიას, უკვე საკითხი შედარებით რთულდება, ვადებიც განუსაზღვრელად დიდია;

სასამართლოში სარჩელის შეტანა შეგიძლიათ, თუმცა უნდა გაითვალისწინოთ, რომ მეტად ხარჯიანი პროცესია, მოგიწევთ იურიდიული მომსახურების ხარჯის, ასევე ბაჟის გადახდა, ხოლო სამართალდარღვევის ოქმი და შეფასება იქნება თქვენი ძირითადი მტკიცებულებები, არსებითია მოთხოვნის უზრუნველყოფის ღონისძიების გამოყენების მოთხოვნა მოპასუხის აქტივზე შეზღუდვის გავრცელების გზით, რაც ასევე დაგეხმარებათ მოლაპარაკებების წარმოებაში;

ადვოკატი გირჩევთ, თუ როგორ მოიქცეთ ავტო-საგზაო შემთხვევის დროს

თუ მოხდება ავტო-საგზაო შემთხვევა, გამოჰკითხეთ მხარეები, აქვთ თუ არა ავტო და პასუხისმგებლობის დაზღვევა, თუ აღმოჩნდება, რომ ერთი მხარე სარგებლობს დაზღვევით, ხოლო მეორე არა და ამავდროულად ვჯდებით დაზღვევის ალგორითმში, კერძოდ, გაქვთ კარგი სატარიფო პაკეტი და ზიანი მინიმალურია (1500-2000 ლარის ფარგლებში) შეთანხმდით, რომ ჯარიმა გამოუწერონ მხარეს, რომელსაც დაზღვევა აქვს, ხოლო ავტოსაგზაო შემთხვევის რეალურმა ინიციატორმა პირმა გადაიხადოს ჯარიმა; ამ დროს დაზღვევა ორივე მხარეს აუნაზღაურებს ზიანს, ისე რომ სუბროგაციული მოთხოვნა არ წარმოეშობა.

თუმცაღა, იცოდეთ, რომ ამ ფაქტმა მომავალში შესაძლოა თქვენი სატარიფო პაკეტის ფასის გაზრდა გამოიწვიოს;

ავტოსაგზაო შემთხვევისას აღბეჭდოთ და დააფიქსიროთ ავტომობილის იმწუთიერი მდგომარეობა, ვინაიდან, არის შემთხვევები, როდესაც სატრანსპორტო საშუალება ადგილიდან გადაყვანისას ზიანდება.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას:  საქართველოსა და იტალიაში  ყველა ინსტანციის სასამართლოში; 

ადმინისტრაციულ ორგანოებში, საელჩო, საკონსულო, იუსტიციის სახლში და სამინისტროებში; 

სამართლებრივი ურთიერთობის რეგულირებას  ფიზიკურ და იურიდიულ პირებთან; 

სტრასბურგის - ადამიანის უფლებათა ევროპულ სასამართლოში;

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები