საქართველოსა და ევროკავშირს შორის ასოცირების შესახებ შეთანხმებისა და საქართველოს ევროკავშირში ინტეგრაციის 2022 წლის ეროვნული სამოქმედო გეგმის შესრულების თაობაზე ანგარიში წარადგინეს პარლამენტში

ევროპასთან ინტეგრაციის კომიტეტის სხდომაზე, საქართველოსა და ევროკავშირს შორის ასოცირების შესახებ შეთანხმებისა და საქართველოს ევროკავშირში ინტეგრაციის 2022 წლის ეროვნული სამოქმედო გეგმის შესრულების თაობაზე საგარეო საქმეთა სამინისტროს ანგარიში მოისმინეს.

მიმდინარე წლის ბოლოსთვის საქართველო ევროკავშირის მხრიდან უკვე კითხვარის მეორე ნაწილის შეფასების გამოქვეყნებას ელოდება.

მომხსენებლის ინფორმაციით, საქართველო წარმატებით განაგრძობს ევროკავშირთან ასოცირების შეთანხმებით და ასოცირების დღის წესრიგით გათვალისწინებული ვალდებულებების განხორციელებას.

ამ ეტაპზე საქართველოს წარმატებით აქვს განხორციელებული ასოცირების შეთანხმების ვალდებულებების დაახლოებით 50%, ხოლო ღრმა და ყოვლისმომცველი თავისუფალი სავაჭრო სივრცის კომპონენტის განხორციელების მიმართულებით ევროდირექტივებისა და რეგულაციების დაახლოებით 60% უკვე ასახულია საქართველოს კანონმდებლობაში. როგორც მომხსენებელმა აღნიშნა, საქართველო წარმატებით განაგრძობს ეროვნული კანონმდებლობის ევროკავშირის კანონმდებლობასთან დაახლოებას. მომხსენებლის ინფორმაციით, საქართველომ დაასრულა მუშაობა საქართველო-ევროკავშირის ასოცირების ახალ დღის წესრიგზე, რომელიც შვიდწლიანია და საშუალო და გრძელვადიან პრიორიტეტებს აერთიანებს.

„12 რეკომენდაციის შესრულების კუთხით, საქართველოს უკვე აქვს პროგრესი. თუ სრულად არა, ნაწილობრივ მაინც ყველა რეკომენდაცია, გარკვეულწილად, შესრულებულია. არის ისეთი საკითხები, რომლებიც ვენეციის კომისიისა და ეუთო/ოდირი-ს შეფასებების მომზადებას უკავშირდება. შესაბამისად, ეს სცდება დროის იმ ჩარჩოს, რაც ჩვენ განვსაზღვრეთ, თუმცა მნიშვნელოვანია, რომ რეკომენდაციები ხარისხიანად და ამ ორგანიზაციების ჩართულობით შესრულდეს. დღეს ჩვენ თამამად შეგვიძლია ვთქვათ, რომ თორმეტივე რეკომენდაციის მიმართულებით ნაბიჯები გადადგმულია და ჩვენი მხრიდან მათი დიდი ნაწილი სრულყოფილად შესრულებულია“, – განაცხადა ევროპასთან ინტეგრაციის კომიტეტის თავმჯდომარემ.

ინფორმაციას საქართველოს პარლამენტის პრესსამსახური ავრცელებს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას:  საქართველოსა და იტალიაში  ყველა ინსტანციის სასამართლოში; 

ადმინისტრაციულ ორგანოებში, საელჩო, საკონსულო, იუსტიციის სახლში და სამინისტროებში; 

სამართლებრივი ურთიერთობის რეგულირებას  ფიზიკურ და იურიდიულ პირებთან; 

სტრასბურგის - ადამიანის უფლებათა ევროპულ სასამართლოში;

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები