ქონების გადასახადი საქართველოში - რა უნდა იცოდეს თითოეულმა უძრავი ქონების მფლობელმა 2025 წელს

ვის ეხება ქონების დეკლარაციის ვალდებულება?

საქართველოს საგადასახადო კანონმდებლობის მიხედვით, ქონების გადასახადის დეკლარაცია უნდა წარადგინოს ყველა ფიზიკურმა პირმა, რომელიც:

• ფლობს საქართველოში მდებარე დასაბეგრ უძრავ ქონებას და მისი ოჯახის ერთობლივი წლიური შემოსავალი აღემატება 40,000 ლარს;

• ფლობს მიწის ნაკვეთს, მიუხედავად შემოსავლის ოდენობისა.

ეს ვალდებულება ვრცელდება როგორც საქართველოს რეზიდენტებზე, ასევე არარეზიდენტებზე, რომლებიც ფლობენ ქართულ უძრავ ქონებას.

ვინ ითვლება ოჯახის წევრად ქონების გადასახადის მიზნით?

დეკლარაციის შევსებისას მნიშვნელოვანია იცოდეთ, ვინ მოიაზრება „ოჯახის წევრად“. კანონის თანახმად, ესენია:
მეუღლე, არასრულწლოვანი ან სრულწლოვანი შვილები, მშობლები, ბებია, პაპა, და-ძმა და შვილიშვილები - იმ შემთხვევაში, თუ ისინი საერთო მეურნეობას აწარმოებენ.

ვინ უნდა წარადგინოს ქონების დეკლარაცია?

საერთო წესით, დეკლარაციის წარდგენა ეკისრება ქონების მესაკუთრეს. თუ ოჯახს რამდენიმე წევრი ჰყავს, ვინც ფლობს დასაბეგრ ქონებას, შესაძლებელია ერთიანი საოჯახო დეკლარაციის წარდგენა - ოჯახის ნებისმიერი სრულწლოვანი წევრის სახელზე.

სად და რა ვადაში ხდება ქონების დეკლარაციის წარდგენა?

დეკლარაციის შევსება ხდება ელექტრონულად, შემოსავლების სამსახურის ვებ-გვერდზე.
ბოლო ვადა: 2024 წლის 1 ნოემბერი.
გადასახადის გადახდის ვადა კი - 15 ნოემბრამდე.

გადახდა შესაძლებელია ელექტრონულად ან ბანკის ფილიალში.
გადაცილებული ვადების შემთხვევაში, დაირიცხება საურავი - 0.05% ყოველი დაგვიანების დღისთვის.

როგორ გამოითვლება ქონების გადასახადი?

გადასახადის ოდენობა დამოკიდებულია ქონების საბაზრო ღირებულებაზე ან მიწის ფართობზე.

საგადასახადო განაკვეთები:

ოჯახის წლიური შემოსავალი	განაკვეთი ქონების ღირებულებაზე
100,000 ლარამდე	0.05% – 0.2%
100,000 ლარზე მეტი	0.8% – 1%

დასაბეგრი მიწის შემთხვევაში კი, გადასახადი გამოითვლება ფართობის მიხედვით: სასოფლო-სამეურნეო მიწისთვის ჰექტრებში, ხოლო არასასოფლო-სამეურნეოსთვის კვადრატულ მეტრებში.

რა ითვლება დასაბეგრ ქონებად?

დასაბეგრ ქონებად მიიჩნევა:

• საცხოვრებელი და კომერციული უძრავი ქონება;

• მიწის ნაკვეთები;

• შენობა-ნაგებობები (მათ შორის დაუსრულებელი მშენებლობები);

• მაღალი ღირებულების მოძრავი ქონება - მაგალითად, იახტები, შვეულმფრენები, თვითმფრინავები, მსუბუქი ავტომობილები (8703 კოდით განსაზღვრული).

რომელი შემოსავლები უნდა ასახოს ფიზიკურმა პირმა დეკლარაციაში? - დეკლარაციაში უნდა ჩაიწეროს:

• ნებისმიერი სახის შემოსავალი (მათ შორის არაეკონომიკური);

• დარიცხული ხელფასი;

• ეკონომიკური საქმიანობიდან მიღებული შემოსავალი;

• მცირე ბიზნესის სტატუსის მქონე პირისთვის - მხოლოდ 25% სპეციალური რეჟიმით დაბეგრილი შემოსავლისა.

დაგვიკავშირდით დღესვე - მოემზადეთ ქონების გადასახადის ვადებისთვის პროფესიონალების დახმარებით!