რა არის ქონების გადასახადი და ვის ეკისრება მისი გადახდა? - იურიდიული რჩევები ნათია ნაკაშიძისგან

რა არის ქონების გადასახადი და ვის ეკისრება მისი გადახდა?

ბოლო პერიოდში ქონების გადასახადის თემა ერთ-ერთ ყველაზე აქტუალურ საკითხად იქცა - განსაკუთრებით იმის ფონზე, რომ გაიზარდა იმ მოქალაქეთა რაოდენობა, რომლებიც ვალდებულნი არიან გადაიხადონ აღნიშნული გადასახადი.

ადვოკატი ნათია ნაკაშიძე, რომელიც სპეციალიზებულია ადმინისტრაციულ, სამოქალაქო და ბავშვთა უფლებებში, გვიხსნის ყველა იმ მნიშვნელოვან დეტალს, რაც უნდა იცოდეს თითოეულმა მფლობელმა.

რა არის ქონების გადასახადი? ქონების გადასახადი წარმოადგენს ადგილობრივ გადასახადს, რომელიც განსაზღვრულია საქართველოს საგადასახადო კოდექსით და დაწესებულია თვითმმართველი ერთეულის ნორმატიული აქტით. ეს ნიშნავს, რომ გადასახადის გადახდა სავალდებულოა იმ მუნიციპალიტეტში, სადაც ქონება მდებარეობს.

ვინ არის ქონების გადასახადის გადამხდელი? გადასახადის გადახდა ეკისრება როგორც ფიზიკურ პირებს, ასევე საწარმოებსა და ორგანიზაციებს - იქნება ეს რეზიდენტი თუ არარეზიდენტი.

ფიზიკური პირი ვალდებულია გადაიხადოს ქონების გადასახადი იმ შემთხვევაში, თუ მისი ოჯახის ერთობლივი წლიური შემოსავალი აღემატება 40 000 ლარს.

როგორ განისაზღვრება შემოსავალი? ერთობლივ შემოსავალში შედის:

• ხელფასი (საშემოსავლო გადასახადის ჩათვლით),

• ეკონომიკური საქმიანობით მიღებული შემოსავალი,

• დამატებითი სარგებელი, რომელიც პირდაპირ არ უკავშირდება საქმიანობას.

თუმცა, არ შედის:

• მემკვიდრეობით ან ჩუქებით მიღებული ქონება,

• განქორწინებისას გადაცემული ქონება,

• სახლის რეალიზაციით მიღებული შემოსავალი, თუ ქონება ფლობის უფლებით იყო 2 წელზე მეტი ხნის განმავლობაში.

ნათია ნაკაშიძე განმარტავს: „თუ ფიზიკური პირი ფლობს მიწას ან მის წილს, იგი ვალდებულია წარადგინოს დეკლარაცია არა უგვიანეს 1 ნოემბრისა, ხოლო ქონების გადასახადი გადაიხადოს არა უგვიანეს 15 ნოემბრისა.“

გადასახადი ვრცელდება:

(ა) მიწაზე - შემოსავლის მიუხედავად,

(ბ) დანარჩენ უძრავ ქონებაზე - ოჯახის ერთობლივი შემოსავლის მიხედვით.

გადასახადის განაკვეთი დიფერენცირებულია შემოსავლის ოდენობის მიხედვით:

ეს ნიშნავს, რომ გადასახადის ტვირთი იზრდება შემოსავლის ზრდასთან ერთად - რაც ემსახურება გადასახადების სამართლიან განაწილებას.

ქონების გადასახადი მხოლოდ ფინანსური ვალდებულება კი არა, არამედ სამართლებრივი პასუხისმგებლობაა, რომლის დაუკმაყოფილებლობამ შეიძლება გამოიწვიოს ადმინისტრაციული სანქციები.

თუ თქვენ გჭირდებათ იურიდიული კონსულტაცია ქონებასთან, გადასახადთან ან დეკლარაციასთან დაკავშირებით მოგვმართეთ.