სად შეიძლება მოვიპოვო ინფორმაცია ჩემი ავტომობილის სამართლებრივი სტატუსის შესახებ და როგორ გავიგო, ადევს თუ არა მას ყადაღა?

საკუთარი ავტომობილის სამართლებრივი სტატუსის ცოდნა დღეს განსაკუთრებით მნიშვნელოვანია. სატრანსპორტო საშუალების ყიდვა-გაყიდვისას, მემკვიდრეობით მიღებისას ან გირავნობისას ხშირად ჩნდება კითხვა “არის თუ არა მანქანა იურიდიულად სუფთა?”
ამ კითხვაზე პასუხის მისაღებად აუცილებელია სატრანსპორტო საშუალების სამართლებრივი მდგომარეობის შესახებ ცნობას გავეცნოთ. ამ თემაზე გვესაუბრება ადმინისტრაციულ, სამოქალაქო საქმეებსა და ბავშვთა უფლებებში სპეციალიზებული ადვოკატი ნათია ნაკაშიძე

რა ინფორმაციას შეიცავს სატრანსპორტო საშუალების სამართლებრივი მდგომარეობის შესახებ ცნობა?

ცნობა მოიცავს არა მხოლოდ სატრანსპორტო საშუალების სარეგისტრაციო მონაცემებს, არამედ სრულ სამართლებრივ ინფორმაციას, რომელიც მფლობელისა და მყიდველის ინტერესების დაცვას ემსახურება. კერძოდ, ცნობა ასახავს:

ა) ყადაღის შესახებ მონაცემებს - რათა დარწმუნდეთ, არის თუ არა მანქანა იძულებით აღსრულების პროცესში;

ბ) გირავნობის შესახებ - მაგალითად, ბანკის ან კერძო სესხის უზრუნველყოფისას;

გ) საგადასახადო გირავნობის შესახებ - არსებობს თუ არა საგადასახადო დავალიანება, რომლის საფუძველზეც მანქანაზე დარეგისტრირებულია გირავნობა;

დ) ძებნის შესახებ - მნიშვნელოვანია, ხომ არ არის ავტომობილი გამოცხადებული ძებნაში;

ე) დროებითი რეგისტრაციისა და ნულოვანი განბაჟების სტატუსი - განსაკუთრებით აქტუალურია იმ შემთხვევაში, თუ ავტომობილი ახლად შემოტანილია ქვეყანაში.

როგორ მივიღო ცნობა? - ცნობის მისაღებად მოქალაქემ უნდა მიმართოს შინაგან საქმეთა სამინისტროს მომსახურების სააგენტოს ან მის ნებისმიერ სტრუქტურულ ერთეულს.

საჭირო დოკუმენტებია:

1. განცხადება;

2. პირადობის დამადასტურებელი დოკუმენტი;

3. საფასურის გადახდის დამადასტურებელი ქვითარი.

იურიდიული პირების შემთხვევაში აუცილებელია საიდენტიფიკაციო კოდის მითითება.

ცნობის გაცემის საფასური დამოკიდებულია მომსახურების სისწრაფეზე:

გარდა ამისა, ფიზიკური პირის შემთხვევაში 5-ზე მეტი ავტომობილის შესახებ ინფორმაციის მიღება თითოეულ დამატებით მანქანაზე ღირს 5 ლარი, ხოლო იურიდიული პირისთვის 80 ლარი.