ბაღდათში და ხონში მოსახლეობასთან საინფორმაციო შეხვედრები გამართეს პროკურორებმა, სახელმწიფოს კუთვნილი სასოფლო-სამეურნეო დანიშნულების მიწის ნაკვეთების მისაკუთრების ფაქტებზე ამნისტიის კანონის ამოქმედებასთან დაკავშირებით

პროკურორებმა სახელმწიფოს კუთვნილი სასოფლო-სამეურნეო დანიშნულების მიწის ნაკვეთების მისაკუთრების ფაქტებზე ამნისტიის კანონის ამოქმედებასთან დაკავშირებით ბაღდათში და ხონში მოსახლეობასთან საინფორმაციო შეხვედრები გამართეს.

ქუთაისის და სამტრედიის რაიონული პროკურატურების პროკურორებმა სახელმწიფოს კუთვნილი სასოფლო - სამეურნეო დანიშნულების მიწის ნაკვეთების მისაკუთრების ფაქტებზე ამნისტიის კანონის ამოქმედებასთან დაკავშირებით ბაღდათში და ხონში მოსახლეობასთან საინფორმაციო შეხვედრები გამართეს.

პროკურორებმა მოსახლეობას კანონთან დაკავშირებულ საკითხებზე დეტალური ინფორმაცია მიაწოდეს, გააცნეს ამნისტიის შესახებ კანონის ინიცირების მიზანი და შესაძლებლობა, რომელსაც ის ანიჭებს პირებს, რომლებმაც სახელმწიფოს კუთვნილი მიწის ნაკვეთები დანაშაულებრივი გზით მიისაკუთრეს.

შეხვედრაზე მყოფ მოქალაქეებს პროკურორებმა განუმარტეს, რომ ზიანის ანაზღაურების მიზნით სახელმწიფოსთვის მიწის ნაკვეთების დაბრუნების ან სათანადო საფუძვლის არსებობისას ნაკვეთის ღირებულების ხაზინაში ჩარიცხვის შემთხვევაში, ბრალდებულები და მსჯავრდებულები გათავისუფლდებიან პასუხისმგებლობისა და სასჯელისაგან. ამასთან, მოქალაქეებს განემარტათ რა ტიპის მიწის ნაკვეთებზე ვრცელდება კანონი და ვის ეხება ის. საუბარი შეეხო იმ პროცედურულ საკითხებსაც, რომელიც ზიანის ანაზღაურებასთანაა დაკავშირებული.

შეხვედრის მონაწილეებმა პროკურორებისგან მათთვის საინტერესო შეკითხვებზე ამომწურავი პასუხები მიიღეს.