უძრავ ქონებაზე უზრუნველყოფის სახით სასამართლოს მიერ ყადაღის დადება და დადებული ყადაღის მოხსნა სასამართლოს მიერ

უძრავ ქონებაზე ყადაღის დადება გულისხმობს ქონების აღწერას და მესაკუთრისათვის მისი ნებისმიერი ფორმით განკარგვის აკრძალვას.

რეგისტრაციას დაქვემდებარებულ ქონებაზე ყადაღის დადება ხდება აღსრულების ეროვნული ბიუროს მიერ შედგენილი აქტის, მარეგისტრირებელი ორგანოსათვის (საჯარო რეესტრი) გაგზავნის გზით, ხოლო უძრავ ქონებაში განთავსებულ მოძრავ ნივთებზე ყადაღის დადება – ქონების აღწერისა და დაყადაღების აქტის საფუძველზე.უძრავ ქონებაზე ყადაღის დადების ან გაუქმების აქტი დაუყოვნებლივ ეგზავნება საჯარო რეესტრს.

ყადაღის დადების შემდგომ, ბათილია ნებისმიერი გარიგება, რომელიც იდება ყადაღდადებულ ქონებაზე.

სარჩელის უზრუნველყოფა არის გადაწყვეტილების რეალურად აღსრულებისთვის მოსალოდნელი დაბრკოლების თავიდან აცილება, მოპასუხისთვის ქონების ან ფულადი სახსრების განკარგვის უფლების შეზღუდვით. ყადაღა შეიძლება დაედოს უძრავ ქონებას ან/და საბანკო ანგარიშებსა და ჩვეულებრივ საყოფაცხოვრებო ნივთებსაც.

თუ ფიზიკურმა პირმა ან/და კომპანიამ არ აგინაზღაურათ თანხა ან არ შეგისრულათ რაიმე ვალდებულება, მაშინ თქვენ შეგიძლიათ მიმართოთ სასამართლოს და მოითხოვოთ მოპასუხის მოძრავ ან/და უძრავ ქონებაზე ყადაღის დადება.

სასამართლოსთვის მიმართვა შესაძლებელია სარჩელის უზრუნველყოფის შესახებ განცხადებით, რომელიც უნდა იყოს დასაბუთებული და შეიცავდეს იმ გარემოებებზე მითითებას რომლებიც გააძნელებს, შეუძლებელს გახდის გადაწყვეტილების აღსრულებას ან ისეთ ზიანს გამოიწვევს, რომელიც ვერ ანაზღაურდება.

თუ მოპასუხეს ზიანი ადგება ყადაღით, შეუძლია საჩივრის განხილვის ეტაპზე ზიანის მიყენების ფაქტი დაადასტუროს მტკიცებულებებით და მოითხოვოს ამ უზრუნველყოფის სახის შეცვლა სხვა სახის ღონისძიებით, ან გიჩივლოთ და მოითხოვოს იმ მნიშვნელოვანი ზიანის ანაზღაურება, რომელიც მიადგა ყადაღის დადების შედეგად. ამიტომ, გაიარეთ კონსულტაცია ადვოკატთან.

თუ ქონებას უსაფუძვლოდ დაედო ყადაღა, სასამართლოს უნდა წარუდგინოთ დასაბუთებული საჩივარი, რათა ქონებას მოეხსნას ყადაღა.

საგადასახადო ორგანოს მიერ დადებული ყადაღა მოხსნილად ითვლება, თუ გადასახადის გადამხდელმა დავალიანება სრულად დაფარა-დავალიანების დაფარვისთანავე.

საკასაციო სასამართლოს განმარტებით : „სააღსრულებო წარმოებათა შესახებ“ საქართველოს კანონის მე-40 მუხლის პირველი ნაწილის ანალიზი ცხადყოფს, რომ ყადაღა შეიძლება, დაედოს მხოლოდ მოვალის კუთვნილ მოძრავ ქონებას. „სააღსრულებო წარმოებათა შესახებ“ საქართველოს კანონის 32-ე მუხლის პირველი და მეორე ნაწილის დანაწესი იცავს იმ პირთა უფლებებს, რომელთა საკუთრების ობიექტი გარკვეული ცდომილების შედეგად მიიჩნევა მოვალის ქონებად, (აღსრულების საგნად). ასეთ ვითარებაში, აღსრულების საგანზე უფლების მქონე მესამე პირი სარგებლობს უფლებამოსილებით, აღძრას სასამართლოში სარჩელი მოვალისა და კრედიტორის წინააღმდეგ და მოითხოვოს ქონების ყადაღისაგან განთავისუფლება.

სარჩელი ყადაღისაგან ქონების გათავისუფლების შესახებ წარედგინება მოვალესა და კრედიტორს. აღნიშნული დანაწესი იცავს იმ პირთა უფლებებს, რომელთა საკუთრების ობიექტი გარკვეული ცდომილების შედეგად მიიჩნევა მოვალის ქონებად (აღსრულების საგნად).

თუ მსგავსი საჭიროების წინაშე თქვენც მოგიწიათ დადგომა,  გაიარეთ იურიდიული კონსულტაცია და ისარგებლოთ კვალიფიციური სამართლებრივი სერვისით.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები