რას ნიშნავს სარჩელის უზრუნველყოფა?

სარჩელის უზრუნველყოფა არის გადაწყვეტილების რელურად აღსრულებისთვის მოსალოდნელი დაბრკოლების თავიდან აცილება, მოპასუხისთვის ქონების ან ფულადი სახსრების განკარგვის უფლების შეზღუდვით.სარჩელის უზრუნველყოფის ღონისძიების სახეებია: ყადაღის დადება ქონებაზე, ფასიან ქაღალდებსა და ფულად სახსრებზე; მოპასუხისთვის გარკვეული ქმედების განხორციელების აკრძალვა;ყადაღისაგან ქონების განთავისუფლების შესახებ სარჩელის აღძვრის შემთხვევაში ქონების რეალიზაციის შეჩერება; სახელმწიფო ხელისუფლების ორგანოს, ადგილობრივი თვითმმართველობის ორგანოს, ორგანიზაციის ან თანამდებობის პირის სადავო აქტის მოქმედების შეჩერება; სააღსრულებლო საბუთის აღსრულების შეჩერება ისეთ საქმეებზე, რომლებიც აღძრულია „საცხოვრებელი სადგომით სარგებლობისას წარმოშობილი ურთიერთობის შესახებ“ კანონის საფუძველზე. სასამართლოს, მოსარჩელეს მოთხოვნით ასევე შეუძლია გამოიყენოს სხვა ღონისძიებები (მაგალითად აუკრძალოს ქონების რეალიზაცია, ან იპოთეკით, გირაოთი დატვირთვა), ხოლო აუცილებლობის შემთხვევაში რამდენიმე ერთად. თუ მხარეები მოითხოვენ, შესაძლებელია სარჩელის უზრუნველყოფის ერთი სახის მეორით შეცვლა.

რა იგულისხმება სარჩელის უზრუნველყოფის ღონისძიების აღსრულებაში?

სასამართლოს გადაწყვეტილების აღსრულება, რომელიც ეხება სარჩელის უზრუნველყოფის ღონისძიებას. აღსრულების მოთხოვნით შეგიძლიათ მიმართოთ აღსრულების ეროვნულ ბიუროს, თან უნდა იქონიოთ სააღსრულებო ფურცლის დედანი, პირადობის მოწმობა, გადაწყვეტილების დამოწმებულია ასლი, სერვისის საფასურის გადახდის დამადასტურებელი ქვითარი.

ხოლო იმ შემთხვევაში თუ თქვენ თავად არ ხართ განმცხადებელი და სარგებლობთ ადვოკატის მომსახურებით უნდა წარმოადგინოთ რწმუნებულება. სააღსრულებო ფურცლის ჩაბარებიდან 10 სამუშაო დღეში კი უნდა გადაიხადოთ აღსრულების საფასური. სასამართლო განჩინების აღსრულება ხორციელდება დაუყოვნებლივ გადაწყვეტილების აღსრულებისთვის გათვალისწინებული წესით.

შეიძლება ყადაღის დადების მოთხოვნა სარისკო გამოდგეს, რადგან შესაძლოა ამით მოპასუხე მხარეს მნიშვნელოვანი ზიანი მიადგეს, მან კი გიჩივლოთ და მოითხოვოს იმ მნიშვნელოვანი ზიანის ანაზღაურება, რომელიც მიადგა ყადაღის დადების შედეგად.

სარჩელის უზრუნველყოფის დაწერისთვის შეგიძლიათ მიმართოთ კვალიფიციურ ადვოკატს. ის გაგიწევთ კონსულტაციას და გეტყვით რისი მოთხოვნა იქნება უფრო სწორი რომ არ დაზარალდეთ.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.