როგორ დავიცვათ თავი როდესაც ბინის ქირას დამქირავებელი არ იხდის

ხშირად მოგვმართავენ კლიენტები, რომლებიც ვერ იღებენ ქირას და ვერც ბინიდან ასახლებენ დამქირავებლებს. როგორ შეიძლება ამისგან თავის დაცვა და არსებობს თუ არა პრევენციის გზა.

თუ დამქირავებელმა სამი თვის მანძილზე ქირა არ გადაიხადა, გამქირავებელს შეუძლია მიმართოს სასამართლოს და მოითხოვოს ხელშეკრულების შეწყვეტა. ეს მთელ რიგ ხარჯებთანაა დაკავშირებული. ასევე ხანგრძლივია სააღსრულებო პროცესი. გამქირავებელი ამ ხნის მანძილზე ქირას ვერ იღებს. გამოსახლების დროს კი ვალდებულია, რომ ზიანის ანაზღაურებაზე ედავოს დამქირავებელს.

თავდაცვის პრევენციული ზომა შეიძლება იყოს გადამოწმება წინა მესაკუთრესთან, რამდენად სტაბილურად იხდიდა ქირას და თუ რა სახსრებით აპირებს ქირის გადახდას. ასევე ხელშეკრულება უნდა გაფორმდეს აუცილებლად იურისტის თანდასწრებით, რომ გათვალისწინებული იქნეს ისეთი პუნქტები, რომლებითაც ქირის გადაუხდელობისას გამქირავებელს შეეძლოს ბინის საკეტის გამოცვლა.

კანონმდებლობის მიხედვით, თუ პირადობის დამადასტურებელი მოწმობის აღება ან განახლება გჭირდებათ და კონკრეტულ მისამართზე ჩაწერილი არ ხართ, დოკუმენტს ვერ აიღებთ. არსებობს 6 თვიანი დროებითი პირადობის მოწმობა, სადაც იწერება, რომ თქვენ ცხოვრობთ ამა თუ იმ ქუჩის მიმდებარედ, თუმცა ეს არის დროებითი. შესაბამისად, მოქალაქეებს პირადობის მოწმობის ასაღებად სჭირდებათ ჩაწერის ადგილი, რაზედაც ბინის გამქირავებელი მათ ხშირად უარს ეუბნება.

თუ ბინის გამქირავებელი საკუთარ სახლში მოქალაქეს არ ჩაწერს და ეს მოქალაქე აღნიშნულ ბინაში სამ თვეზე მეტია ცხოვრობს, მას კანონი აძლევს საშუალებას, ორი მოწმის თანხლებით მივიდეს იუსტიციის სახლში და თქვენი ნებართვის გარეშე დარეგისტრირდეს მისამართზე.

მთავარი პრობლემა ისაა, რომ თუ თქვენს ბინაში დროებით მყოფ ადამიანს საგადასახადო დავალიანება აქვს, ეს შეიძლება სახლის მეპატრონეზე გავრცელდეს. ამიტომ ბინის გაქირავებამდე კარგად უნდა გადაამოწმოთ მოვალეთა რეესტრში ხომ არ არის პირი, ვისზეც აპირებთ ბინის გაქირავებას.

თუ თქვენს ბინაში ჩაწერილია პირი, ვისაც აქვს გარკვეული დავალიანება, ყველაფერი – ქვითარი იქნება თუ ჯარიმა, მიდის ჩაწერის მისამართზე. თუ საქმე აღსრულებამდე მივიდა, ბიუროს აქვს უფლება, მივიდეს მითითებულ მისამართზე და სახლში არსებული ნივთები დააყადაღოს. ამიტომაც ბინის გაქირავებამდეც და შემდეგაც პერიოდულად უნდა ამოწმოთ დამქირავებელი და იყოთ ყურადღებით, წინააღმდეგ შემთხვევაში მოგიწევთ მტკიცება, რომ ბინაც და ნივთებიც ნამდვილად თქვენია.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.