თუ საპატრულო პოლიცია ჯარიმას უსამართლოდ გიწერთ

თუ თქვენ არ ეთანხმებით საპატრულო პოლიციის უფლებამოსილი თანამშრომლის მიერ გამოწერილ ჯარიმას,უნდა იცოდეთ:

შეგიძლიათ გაასაჩივროთ გადაწყვეტილება ჯარიმის სახით ადმინისტრაციული სახდელის დადების შესახებ შინაგან საქმეთა სამინისტროს საპატრულო პოლიციის დეპარტამენტში.

საჩივარი წერილობითი ფორმით უნდა შედგეს და შეიცავდეს კანონით გათვალისწინებულ კონკრეტულ რეკვიზიტებს : ადმინისტრაციული ორგანოს დასახელებას, საჩივრის წარმდგენი პირის ვინაობასა და მისამართს, ადმინისტრაციული საჩივრის წარმდგენი პირის პირად ნომერსა და სხვ. საჩივარზე ადმინისტრაციული ორგანოს მიერ მიღებული გადაწყვეტილება შესაძლებელია გასაჩივრდეს საქალაქო სასამართლოში, რომლის გადაწყვეტილებაც საბოლოოა და აღარ საჩივრდება.

გახსოვდეთ,რომ გასაჩივრების უფლება შეზღუდულია გარკვეული ვადით. ადმინისტრაციული სამართალდარღვევის საქმის ადგილზე განხილვისას მიღებული დადგენილება შეიძლება გასაჩივრდეს მისი გამოტანიდან 10 დღის ვადაში. ვადის გასვლის შემდეგ გასაჩივრების უფლება გერთმევათ, თუმცა ვადის საპატიო მიზეზით გაცდენის შემთხვევაში ეს ვადა იმ პირის განცხადებით, რომლის მიმართაც გამოტანილია დადგენილება, შეიძლება აღადგინოს საჩივრის განსახილველად უფლებამოსილმა ორგანომ (თანამდებობის პირმა). უფლებამოსილ ორგანოს თქვენ უნდა წარუდგინოთ კონკრეტული მტკიცებულებები იმასთან დაკავშირებით, რომ ვადის გაშვება მოხდა საპატიო მიზეზით.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.