მეუღლეების ქონების გაყოფა

რეგისტრირებულ ქორწინებაში მყოფ მეუღლეებს განქორწინების შემთხვევაში ქონების განაწილების საკითხი შეუძლიათ გაითვალისწინონ საქორწინო ხელშეკრულებაში.

თუკი მხარეებს არ აქვთ დადებული საქორწინო ხელშეკრულება, მაშინ ავტომატურად მოქმედებს საქართველოს სამოქალაქო კოდექსი. უმეტეს შემთვევაში მეუღლეებს შორის არ არსებობს საქორწინო ხელშეკრულება შესაბამისად მხარეებს განქორწინებისას ან განქორწინების შემდეგ ქონებრივი დავის წარმოება უწევთ სასასამრთლოში.

მეუღლეთა მიერ ქორწინების განმავლობაში შეძენილი ქონება წარმოადგენს მათ საერთო ქონებას (თანასაკუთრებას), თუ მათ შორის საქორწინო ხელშეკრულებით სხვა რამ არ არის დადგენილი.

ასეთ ქონებაზე მეუღლეთა თანასაკუთრების უფლება წარმოიშობა მაშინაც, თუ ერთ-ერთი მათგანი ეწეოდა საოჯახო საქმიანობას, უვლიდა შვილებს ან სხვა საპატიო მიზეზის გამო არ ჰქონია დამოუკიდებელი შემოსავალი.

თუ საერთო ქონების გაყოფა ხდება ქორწინების განმავლობაში, მაშინ ქონების ის ნაწილი, რომელიც არ გაყოფილა, და აგრეთვე ქონება, რომელსაც ისინი შეიძენენ მომავალში, ჩაითვლება მეუღლეთა თანასაკუთრებად, თუკი საქორწინო ხელშეკრულებით სხვა რამ არ არის გათვალისწინებული.

დავის წამოწყებისას, თუკი მხარეები შეთანხმდებიან ცხადია ქონება გაიყოს სხვა მოცულობითაც, რაზედაც დგება მორიგების აქტი და მტკიცდება სასამართლოს მიერ.

თუკი განქორწინებისას არ გაქვთ ქონების გაყოფის სურვილი, კანონი განქორწინებიდან სამ წელს გაძლევთ იმისთვის, რომ დაიწყოთ დავა ქონების გაყოფაზე. ამ ვადის გასვლის შემდეგ თქვენ აღარ გექნებათ მოთხოვნის უფლება და ვერ შეიტანთ სარჩელს სასამართლოში. ამასთანავე გაითვალისწინეთ რომ არსებობს გარკვეული რისკები, მაგალითად მხარემ შეიძლება ქონება გაასხვისოს (თუკი მის სახელზე არის) ანდა აიღოს სესხი და დატვირთოს იპოთეკით, გადააფორმოს სხვა პირზე ან მოჩვენებითი გარიგებით გაასხვისოს. ცხადია ეს გარემოებები ართულებს დავას ამიტომ რეკომენდირებული არის განქორწინებასთან ერთად მოვითხოვოთ ქონების გაყოფაც.

სხვა საკითხებზე უმჯობესია კონსულტაცია ადვოკატთან.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის- ადამიანის უფლებათა ევროპულ სასამართლოში;