ნასყიდობა განვადებით

განვადებით ნასყიდობა, ნასყიდობის ხელშეკრულებაა სესხის ხელშეკრულების ელემეტებით.

განვადებით ნასყიდობის ხელშეკრულების შემთხვევაში მხარეები თანხმდებიან ნასყიდობის ფასის ნაწილ-ნაწილ გადახდაზე წინასწარ შეთანხმებული გრაფიკით, აქედან გამომდინარე გადახდის ვადა გარკვეული პერიოდულობით დგება.

სამოქალაქო სამართლის კოდექსის 505 -ე მუხლით ნასყიდობისას გამყიდველი გადასცემს ნივთს მფლობელობაში მყიდველს, თუმცა მასზე საკუთრების უფლებას ინარჩუნებს თანხის სრულ გადახდამდე. აღნიშნული ერთის მხრივ მყიდველს ანიჭებს შესაძებლობას, ისარგებლოს ნივთით და მიიღოს ეკონომიკური სარგებელი, რომელშიც იხდის ნაწილ-ნაწილ საფასურს. მეორე მხრივ გამყიდველი იტოვებს უზრუნველყოფას, ფასის სრულად გადაუხდელობის შემთხვევაში, განახორციელოს თავისი მოთხოვნები ნივთზე საკუთრების უფლების შენარჩუნების გზით.

რაც შეეხება ქართულ სასამართლო პრაქტიკას, უდავოდ მიიჩნევა, რომ გამყიდველის მიერ მყიდველისათვის ნივთის გადაცემის ვალდებულება საკუთრების უფლების გადაცემასაც მოიცავს. შესაბამისად განვადებით ნასყიდობის შემთხვევაში მიჩნეულია, რომ მყიდველზე ნივთის გადაცემით სწორედ ის ხდება ნივთის მესაკუთრე.

სასამართლოს განმარტებით, მიუხედავად იმისა რომ მყიდველს არ გადაუხდია საფასური სრულად და არსებობს მყიდველის სახელზე რეგისტრირებული საკუთრების შეზღუდული უფლება, გადაცემა უნდა მოხდეს ვალდებულების სრულად შესრულებამდე.

სასამართლო განვადებით ნასყიდობის ფარგლებში გადაცემის ვალდებულებას იმპერატიულად განიხილავს და მასში მოიაზრებს როგორც საკუთრების ასევე მფლობელობის გადაცემას.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში;

ადმინისტრაციულ ორგანოებში, საელჩო, საკონსულო, იუსტიციის სახლში და სამინისტროებში;

სამართლებრივი ურთიერთობის რეგულირებას ფიზიკურ და იურიდიულ პირებთან;

სტრასბურგის - ადამიანის უფლებათა ევროპულ სასამართლოში;