პირისათვის განმეორებით დაკავებისა და მსჯავრდების აკრძალვა

საქართველოს კონსტიტუციის 31-ე მუხლი და საქართველოს სისხლის სამართლის საპროცესო კოდექსის მე-18 მუხლი ითვალისწინებს პრინციპს, განმეორებით მსჯავრდების აკრძალვის შესახებ. აღნიშნული პრინციპი ნიშნავს იმას, რომ პირი ერთსა და იმავე დანაშაულისთვის ორჯერ ვერ დაისჯება.

საქართველოს უზენაესი სასამართლო ერთ-ერთ განაჩენში (2კ-67აპ.-14) იშველიებს ადამიანის უფლებათა ევროპული სასამართლოს განმარტებას, რომ აკრძალულია პირის სისხლისსამართლებრივი დევნა ან გასამართლება ხელმეორედ, ისეთი დანაშაულისთვის, რომელიც გამომდინარეობდა იდენტური ან არსებითად მსგავსი ფაქტებიდან. ეს ნიშნავს იმას, რომ პირს ერთსა და იმავე დროსა და სივრცეში ჩადენილი ერთი დანაშაულისთვის ორჯერ ვერ გაასამართლებენ.

განმეორებით მსჯავრდების აკრძალვის პრინციპი გულისხმობს სწორედ იმას, რომ მას შემდეგ, რაც პირის მიმართ გამოტანილი განაჩენი შევა კანონიერ ძალაში, მის მიმართ იგივე ფაქტზე ხელახალი სისხლისსამართლებრივი დევნა ან დასჯა არ განხორციელდება.

საქართველოს კონსტიტუციისა და სისხლის სამართლის საპროცესო კოდექსი იზიარებს ადამიანის უფლებათა ევროპული კონვენციის პრინციპს, რომ აკრძალულია ერთსა და იმავე ფაქტზე პირის დასჯა სხვადასხვა საფუძვლით, სხვადასხვა დროს. პირი მეორედ ვერ დაისჯება, იმის მიუხედავად, პირველად გაამართლეს თუ გაამტყუნეს იგი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში;

ადმინისტრაციულ ორგანოებში, საელჩო, საკონსულო, იუსტიციის სახლში და სამინისტროებში;

სამართლებრივი ურთიერთობის რეგულირებას ფიზიკურ და იურიდიულ პირებთან;

სტრასბურგის - ადამიანის უფლებათა ევროპულ სასამართლოში;