ქორწინება და მისი რეგისტრაცია

საქართველოს კანონმდებლობა განსაზღვრავს ქორწინებას, როგორც ოჯახის შექმნის მიზნით ქალისა და მამაკაცის ნებაყოფლობით კავშირს, რომელიც რეგისტრირებულია სახელმწიფო სერვისების განვითარების სააგენტოს ტერიტორიულ სამსახურში. იმისათვის, რომ ქორწინება, როგორც ორმხრივი ნების გამოვლენა, ნამდვილი იყოს, აუცილებელია მისი რეგისტრაცია სახელმწიფო ორგანოში.

ქორწინების რეგისტრაციისთვის აუცილებელი პირობებია:

დასაქორწინებელ პირთა თანხმობა;

პირთა საქორწინო ასაკი;

ქორწინების დამაბრკოლებელი პირობების არარსებობა.

ადამიანი საქართველოში ვერ დაქორწინდება, თუ უკვე ჰყავს ცოლი/ქმარი. განქორწინებულმა პირმა ასევე უნდა წარმოადგინოს წინა განქორწინების დამადასტურებელი დოკუმენტები.

თუ ქორწინების რეგისტრაციის მსურველ პირთაგან ერთ-ერთი მაინც უცხო ქვეყნის მოქალაქეა, აუცილებელი პირობაა მისი საქართველოში კანონიერი საფუძვლით ყოფნა. გასათვალისწინებელია, რომ ქორწინების რეგისტრაცია არ დაიშვება წარმომადგენლის მეშვეობით, თუმცა განცხადების წარდგენა რეგისტრაციის თაობაზე შეუძლიათ როგორც დაქორწინების მსურველ წყვილს, ისე მათ მინდობილ პირს/პირებს. ქორწინების რეგისტრაცია უნდა განხორციელდეს არანაკლებ ორი სრულწლოვანი, ქმედუნარიანი მოწმის თანდასწრებით.

ქორწინების რეგისტრაცია იუსტიციის სახლის ფილიალში ან საზოგადოებრივ ცენტრში სპეციალური სარიტუალო მომსახურების გარეშე უფასოა, თუმცა მომსახურების საფასური რეგისტრაციის დროისა და ადგილმდებარეობის მიხედვით იცვლება.

ქორწინების მოწმობის აპოსტილით დამოწმება შესაძლებელია ნებისმიერი პირის განცხადების საფუძველზე, რომელიც მიმართავს აპოსტილით დამოწმებაზე უფლებამოსილ შესაბამის ორგანოს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.