ვინ შეიძლება ჩაითვალოს "ატსტუპნიკად"

იმისათვის,რომ სრულუფლებიან "ატსტუპნიკად" ჩაითვალოთ აუცილებელია,რომ:

თქვენ ან თქვენს მამაკვიდრებელსა და ბინის მესაკუთრეს შორის არსებობდეს კანონის თანახმად წარმოშობილი ურთიერთობა 1921 წლის 25 თებერვლიდან 1996 წლის 27 ივნისამდე.

ბინის მესაკუთრესთან წერილობით დადებული გქონდეთ ბინის ნასყიდობის შესახებ ხელწერილი ან გადახდილი გქონდეთ ბინის საფასური.

ნასყიდობის ხელწერილის გაფორმების გარეშე , ან ადმინისტრაციული აქტის საფუძველზე შესახლებული იყოთ სხვის კერძო საკუთრებაში.

ჩაწერილი იყოთ დაკავებულ ბინაში 1921 წლის 25 თებერვლიდან 1996 წლის 27 ივნისამდე.

ბინის მესაკუთრისათვის ერთიანად გქონდეთ გადახდილი საფასური.

სადაო ბინაში ჩაწერის შემდეგ და კანონის მიღების მომენტისათვის ცხოვრობდეთ დაკავებულ ბინაში და სარგებლობდეს მისით.თუ თქვენ აკმაყოფილებთ ამ მოთხოვნებს,თქვენ ჩაითვლებით "ატსტუპნიკად" და თქვენი საკითხი უნდა გადაწყდეს საქართველოს კანონით "საცხოვრებელი სადგომით სარგებლობისას წარმოშობილი ურთიერთობების შესახებ".

1.თუ მხარეებს შორის არსებობს წერილობითი შეთანხმება ბინის ნასყიდობის თაობაზე, მესაკუთრეს უპირატესი უფლება აქვს მოგთხოვოთ ბინის დაცლა,თუ სანაცვლოდ თქვენ გადაიხდით სადაო ბინის საბაზრო ღირებულების 90%-ს.თუ მესაკუთრე უარს აცხადებს თანხის გადახდაზე,უფლება გაქვთ მესაკუთრეს მოსთხოვოთ შესაბამისი ანაზღაურების სანაცვლოდ სადაო ბინაზე საკუთრების უფლების გადმოცემა.

2.როდესაც არ არსებობს ხელწერილი ბინის ნასყიდობის თაობაზე მესაკუთრეს უფლება აქვს თქვენ მოგთხოვოთ ბინის დაცლა თუ აგინაზღაურებთ სადაო ბინის საბაზრო ღირებულების 75%-ს.

3.იმ შემთხვევაში,როდესაც თქვენ "ატსტუპნიკი" სხვის კერძო საკუთრებაში შესახლებული ხართ ადმინისტრაციული აქტის საფუძველზე, მესაკუთრეს შეუძლია მოგთხოვოთ ბინის დატოვება მხოლოდ მას შემდეგ ,რაც სახელმწიფო აგინაზღაურებთ დაკავებული ბინის საბაზრო ღირებულებას სრულად. ამისათვის უნდა მიმართოთ სასამართლოს სარჩელით და მოითხოვოთ კომპენსაცია.

4.როდესაც მესაკუთრე გარდაცვლილია და სამკვიდრო არავის მიუღია, თქვენ უფლებამოსილი ხართ მიმართოთ სასამართლოს სარჩელით,მოითხოვოთ დაკავებული ბინის უმკვიდროდ ცნობა და უმკვიდროდ ცნობილი ბინის უსასყიდლოდ საკუთრებაში გადმოცემა.

სადაო ბინის საბაზრო ღირებულების შესაფასებლად უნდა მიმართოთ ექსპერტს ან აუდიტს.თუ ორი სხვადასხვა ექსპერტის მიერ შეფასებულ ბინის საბაზრო ღირებულებებს შორის არსებითი სხვაობაა,მაშინ სასამართლო დანიშნავს განმეორებით ექსპერტიზას.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.