გირავნობის მოწმობა და მისი აღსრულების წესი

მოგირავნის წერილობითი მოთხოვნიდან ორი კვირის ვადაში მოვალის მიერ ამ კოდექსის 281-ე მუხლის პირველი ნაწილითგანსაზღვრული ვალდებულების შეუსრულებლობის შემთხვევაში მოგირავნის განცხადების საფუძველზე საჯარო სამართლის იურიდიული პირი – საქართველოს შინაგან საქმეთა სამინისტროს მომსახურების სააგენტო გასცემს გირავნობის მოწმობას.

გირავნობის მოწმობა არის აღსრულების ქვემდებარე აქტი , რომლითაც დასტურდება საჯარო სამართლის იურიდიულ პირში– გირავნობის უფლების რეგისტრაციის ფაქტი და საქართველოს კანონმდებლობით დადგენილი გარემოებების არსებობისას მოგირავნეს უფლება აქვს , უფლებამოსილ ორგანოს ( თანამდებობის პირს ) მოსთხოვოს გირავნობით უზრუნველყოფილი მოთხოვნის დაკმაყოფილების მიზნით დაგირავებული ნივთის მის მფლობელობაში გადაცემა .

გირავნობის მოწმობა არ გაიცემა, თუ რეგისტრირებული გირავნობის გარიგება არ შეიცავს მოთხოვნის უზრუნველყოფისათვის ამ კოდექსის 283-ე მუხლის პირველი ნაწილით ან/და 2601 მუხლით განსაზღვრულ მხარეთა შეთანხმებას.

საჯარო სამართლის იურიდიულ პირში – საქართველოს შინაგან საქმეთა სამინისტროს მომსახურების სააგენტოში მოგირავნის მიერ გირავნობის მოწმობის გაცემის მოთხოვნის მართლზომიერებაზე პასუხისმგებელია მოგირავნე.

გირავნობის მოწმობის ფორმა და გაცემის წესი განისაზღვრება საქართველოს შინაგან საქმეთა მინისტრის ბრძანებით.

გირავნობის მოწმობის აღსრულების წესი

სესხის უზრუნველყოფის მიზნით, გირავნობის უფლებით, შესაძლებელია, დაიტვირთოს ავტოსატრანსპორტო საშუალება. გირავნობის უფლება რეგისტრირდება შსს-ს მომსახურების სააგენტოში. გირავნობის მოწმობა არის საფუძველი სააღსრულებო პროცესის დასაწყებად სასამართლო გადაწყვეტილების გარეშე. დოკუმენტის გაცემა ხდება შსს-ს მომსახურების სააგენტოს მიერ.

გირავნობის მოწმობის აღსასრულებლად მხარემ უნდა წარმოადგინოს:

გირავნობის მოწმობა;

კომპეტენტური ორგანოს ან პირის მიერ გაცემული ქონების შეფასების დასკვნა;

პირადობის დამადასტურებელი მოწმობა.

მინდობილობა (თუკი დოკუმენტაციას შემოაქვს წარმომადგენელს)

გირავნობის მოწმობის აღსრულების საფასური შეადგენს ქონების შეფასების 1%-ს, არანაკლებ 100 ლარისა, რომელსაც იხდის კრედიტორი გირავნობის მოწმობის შემოტანიდან 10 სამუშაო დღის ვადაში.

შესაძლებელია თუ არა საქმის მორიგებით დასრულება ?

აღსრულების ეროვნული ბიურო ორიენტირებულია დავების მორიგებით დასრულებაზე. ამ მიზნით ფუნქციონირებს მხარეთა ინტერესების დაცვის სამსახური, რომელშიც იურისტებთან ერთად ირიცხებიან სოციალური მუშაკებიც. გამოსახლების კატეგორიის საქმეებში მორიგების მაჩვენებელი უკვე 90 პროცენტს აღწევს. ასევე, მოქმედებს დავალიანების განწილვადების მექანიზმი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.