დავების განმხილველი ორგანოს გადაწყვეტილების გასაჩივრება

დავების განმხილველი ორგანოს გადაწყვეტილებას ზოგჯერ აუდიტის დეპარტამენტი სრულად არ ითვალისწინებს,ამიტომ გადასახადის გადამხდელს უფლება აქვს, პარალელურად გაასაჩივროს დავების განმხილველი ორგანოს გადაწყვეტილება და მის საფუძველზე გამოცემული აუდიტის დეპარტამენტის დასკვნა. შესაბამისად, პროცესი ორმაგდება. ხშირია შემთხვევები, მეორე ინსტანცია პირველ ინსტანციას უბრუნებს გადაწყვეტილებას ხელახლა განსახილველად, რაც იმას ნიშნავს, რომ დავის პროცესი თავიდან იწყება.

დავის პირველი ინსტანცია არის შემოსავლების სამსახური, სადაც გასაჩივრების ვადა არის საგადასახადო მოთხოვნის ჩაბარებიდან 30 კალენდარული დღე.

საგადასახადო დავის მეორე ინსტანცია არის საქართველოს ფინანსთა სამინისტროსთან არსებული დავების განხილვის საბჭო, სადაც გასაჩივრების ვადა არის პირველი ინსტანციის გადაწყვეტილების ჩაბარებიდან 20 დღე.

საგადასახადო დავის მესამე ინსტანციას წარმოადგენს სასამართლო, რომელიც თავის მხრივ სამ ინსტანციად იყოფა: საქალაქო (რაიონული), სააპელაციო და უზენაესი. ფინანსთა სამინისტროს დავების განხილვის საბჭოს გადაწყვეტილების სასამართლოში გასაჩივრების ვადა ასეთი გადაწყვეტილების ჩაბარებიდან 20 დღეა.

შესაძლოა, საგადასახადო ორგანოს მიერ განხორციელებულ დარიცხვას იმდენად მყარი მტკიცებულებები და საკანონმდებლო საფუძველი გააჩნდეს, რომ საგადასახადო დავის წარმოება დროის და რესურსების ფუჭი კარგვაც კი იყოს. ასეთ შემთხვევაში საგადასახადო შეთანხმების გაფორმება შესაძლოა საუკეთესო გამოსავალს წარმოადგენდეს.

საგადასახადო შეთანხმების ფარგლებში გადასახადის გადამხდელი აღიარებს საგადასახადო ვალდებულებას და მისი ნაწილის გადახდისათვის მზადყოფნას გამოთქვამს იმის სანაცვლოდ, რომ ნაწილი მასზე დარიცხული გადასახადების/სანქციებისა ნაპატიები იქნება სახელმწიფოს მიერ. საგადასახადო შეთანხმების გაფორმებაც გარკვეულ პროცედურებთან არის დაკავშირებული და კვალიფიცური პროფესიონალების დახმარება თქვენთვის სანქციების (ნაწილის) პატიების შანს გაზრდის.

წინასწარი გადაწყვეტილების განაცხადში განმცხადებელი ფაქტობრივ გარემოებებთან და კითხვებთან ერთად, საგადასახადო ორგანოს წარუდგენს თავის დასაბუთებულ პოზიციასაც. მოგვიანებით იმართება შეხვედრა, სადაც შემოსავლების სამსახურისა და გადასახადის გადამხდელის წარმომადგენლის დისკუსიის შედეგად, შემოსავლების სამსახური გადაწყვეტილებას იღებს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.