მეუღლეთა თანასაკუთრების გაყოფა

მეუღლეთა თანასაკუთრების გაყოფა მოწესრიგებულია სამოქალაქო კოდექსით, კერძოდ, მეხუთე წიგნით, საოჯახო სამართლის შესახებ. საქართველოს სამოქალაქო კოდექსი – სსკ განმარტავს ქორწინებას, რის მიხედვითაც აუცილებელია განსხვავებული სქესის წარმომადგენლების, ქალისა და მამაკაცის თანხმობა ოჯახის შექმნის მიზნით, რომელიც რეგისტრირებული უნდა იყოს სახელმწიფო სერვისების განვითარების სააგენტოს ტერიტორიულ სამსახურში.

კანონის მიხედვით ქორწინების შეწყვეტის რამდენიმე საფუძველი არსებობს, კერძოდ, ერთ-ერთი მეუღლის გარდაცვალება ან გარდაცვლილად გამოცხადება, განქორწინება. ეს შეიძლება მოხდეს სამოქალაქო აქტების რეგისტრაციის ორგანოში – მხარეთა თანხმობის შემთხვევაში, ხოლო სასამართლოში – მხარეთა დავის შემთხვევაში.

როდესაც სასამართლო განქორწინების საკითხს განიხილავს, შესაძლოა განიხილოს მეუღლეთა თანასაკუთრებაში არსებული ქონების გაყოფის წესიც.

თანასაკუთრება  განმარტებით არის ქორწინების განმავლობაში შეძენილი ქონება, თუ მეუღლენი  სხვაგვარად არ შეთანხმებულან     საქორწინო   ხელშეკრულებით.

თანასაკუთრებად ჩაითვლება ასევე, ისეთი შემთხვევა, როდესაც ერთ-ერთი მეუღლე ეწეოდა საოჯახო საქმიანობას, უვლიდა შვილებს ან სხვა საპატიო მიზეზის გამო არ ჰქონია დამოუკიდებელი შემოსავალი. 

თანასაკუთრებაში არსებული ქონება უნდა განვასხვავოთ ინდივიდუალური საკუთრებისგან, რომელიც არის  მეუღლეების ქორწინებამდე  არსებული ქონება, ასევე ქორწინების  განმავლობაში მემკვიდრეობით ან/და ჩუქებით მიღებული ქონება. არსებობს ასევე ინდივიდუალური სარგებლობის ნივთები, რომლებიც შეიძლება საერთო თანხებით იყოს შეძენილი, თუმცა ამ ნივთით მოსარგებლე მეუღლეს ეკუთვნის, მაგალითად შამპუნი,კბილის ჯაგრისი, გამონაკლისს წარმოადგენს ძვირფასეულობა. გაყოფას ექვემდებარება მხოლოდ თანასაკუთრება.

დროის მიხედვით გაყოფა შესაძლებელია როგორც ქორწინების განმავლობაში, ისე მისი შეწყვეტის შემდეგ. გაყოფის საკითხი წყდება მხარეთა ურთიერთშეთანხმებით ან ასეთის არარსებობის შემთხვევაში სასამართლოს მიერ.

თანასაკუთრებაში შეძენილი ნივთები თუნდაც მეუღლეთა საერთო ხარჯებით იყოს შეძენილი, შეიძლება განაწილდეს მიზნობრივად იმის მიხედვით თუ რომელ მეუღლეს სჭირდება ის თავისი პროფესიული საქმიანობისთვის.

თანასაკუთრების გაყოფისას ასევე შესაძლებელია წილის კომპენსაცია, მაგალითად, თუ ერთ მეუღლეს მიეკუთვნა ისეთი ნივთი, რომლის ღირებულება გაცილებით მეტია, ვიდრე ამ მეუღლისთვის განსაზღვრული წილი, მეორე მეუღლის უფლებრივი მდგომარეობა დაკომპენსირდება ფულადი ერთეულით ან სხვა შესაბამისი ანაზღაურებით.

როცა თანასაკუთრების გაყოფა ქორწინების განმავლობაში ხდება, თუ მხარეების სხვა რამეზე არ შეთანხმებულან, ეს გაყოფა შეეხება ამ პროცესამდე არსებულ ქონებას, მომავალში შეძენილი ქონება თანასაკუთრების ნაწილი იქნება.

როგორც წესი, თანასაკუთრების გაყოფა ხდება 50-50-ზე პროპორციით, თუმცა დასაშვებია სხვაგვარი პროპორციითაც გაყოფა. ამას განაპირობებს ორი რამ, პირველი – ერთ მეუღლეს უდიდდება მისთვის მიკუთვნებული წილი თუ შრომისუუნაროა ან არასრულწლოვანი შვილები მასთან ცხოვრობენ, მეორე შემთხვევაა, როცა ერთი-ერთი მეუღლე ოჯახის საზიანოდ ხარჯავდა საერთო ქონებას.

მნიშვნელოვანია ხანდაზმულობის ვადის აღნიშვნა, რის მიხედვითაც, განქორწინების შემთხვევაში, მეუღლეებს თანასაკუთრების გაყოფაზე მოთხოვნა სამი წლის განმავლობაში შეუძლიათ.

თანასაკუთრების განაწილების წესი კი შეიძლება სულ სხვაგვარად დადგინდეს თუ მეუღლენი ქორწინების ხელშეკრულებაში სხვაგვარად მორიგდებიან.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები