ვინ არიან კანონით პირველი რიგის მემკვიდრეები? - იურიდიული რჩევები ნათია ნაკაშიძისგან

სამემკვიდრეო სამართალი ერთ-ერთი ყველაზე გავრცელებული, მაგრამ ამავდროულად რთული მიმართულებაა, რომლის სწორად გაგებაც უმნიშვნელოვანესია თითოეული მოქალაქისთვის.ადვოკატი ნათია ნაკაშიძე, რომელიც სპეციალიზებულია ადმინისტრაციულ, სამოქალაქო საქმეებსა და ბავშვთა უფლებებში, გვიზიარებს მნიშვნელოვან სამართლებრივ რჩევებს იმის შესახებ, ვინ არიან კანონით პირველი რიგის მემკვიდრეები და როგორ ნაწილდება მემკვიდრეობა საქართველოში.

სამოქალაქო კოდექსის მიხედვით, მემკვიდრეობა არის გარდაცვლილი პირის (მამკვიდრებლის) ქონების გადასვლა სხვა პირზე - მემკვიდრეზე. მემკვიდრეობის ორი სახე არსებობს:

1.კანონით მემკვიდრეობა - როდესაც ანდერძი არ არსებობს ან იგი ბათილად არის ცნობილი.

2. ანდერძით მემკვიდრეობა - როდესაც მამკვიდრებელი სიცოცხლეში წყვეტს, ვის დარჩეს ქონება.

ხშირად ორივე საფუძველი ერთმანეთს ემთხვევა, მაგალითად, როცა ანდერძი მოიცავს მხოლოდ ქონების ნაწილს, ხოლო დანარჩენი კანონით ნაწილდება.

კანონით მემკვიდრეობაში მონაწილეობენ პირები, რომლებიც მამკვიდრებლის გარდაცვალების მომენტში ცოცხლები იყვნენ, ან ჩასახულები იყვნენ მის სიცოცხლეში და დაიბადნენ გარდაცვალების შემდეგ.

ანდერძით მემკვიდრე შეიძლება იყოს როგორც ფიზიკური, ასევე იურიდიული პირი, ოღონდ იურიდიული პირი უნდა არსებობდეს სამკვიდროს გახსნის მომენტისთვის.

სამოქალაქო კოდექსი მემკვიდრეთა ხუთ რიგს გამოყოფს, რომელთა შორის პირველი რიგის მემკვიდრეები არიან:

• გარდაცვლილის შვილები (მათ შორის ის, ვინც გარდაცვალების შემდეგ დაიბადა),

• მეუღლე,

• მშობლები (მათ შორის მეშვილებლები).

მათი არსებობა გამორიცხავს მეორე და მომდევნო რიგის მემკვიდრეთა უფლებას.

თუ ანდერძში არ არის მოხსენიებული არც მეუღლე, არც შვილი, არც მშობელი, ისინი მაინც იღებენ სავალდებულო წილს.
ეს წილი შეადგენს იმ ნაწილის ნახევარს, რომელიც მათ კანონით ეკუთვნოდათ მემკვიდრეობის სრული გადანაწილებისას.
ეს მექანიზმი იცავს ოჯახის წევრების მინიმალურ ინტერესს და გამორიცხავს სრულ უფლებაწართმევას.

სამემკვიდრეო საქმეები ხშირად რთულდება ქონებრივი დავებით, დაუდგენელი ანდერძით ან მემკვიდრეთა შორის უთანხმებით. სწორედ ამიტომ, ადვოკატი ნათია ნაკაშიძე გვირჩევს: „მემკვიდრეობასთან დაკავშირებული ყოველი შემთხვევა ინდივიდუალურია. იურიდიული კონსულტაცია დაგეხმარებათ თავიდან აიცილოთ შეცდომები, დაიცვათ თქვენი ინტერესები და მიიღოთ სამართლიანი წილი.“

თუ გსურთ მიიღოთ სამართლებრივი რჩევა სამემკვიდრეო, ოჯახურ ან სამოქალაქო საკითხებზე დაგვიკავშრდით.