CODICE FISCALE - საგადასახადო (ფისკალური) კოდი

CODICE FISCALE – საგადასახადო (ფისკალური) კოდი

Codice Fiscale არის იტალიაში მოქმედი პირადი იდენტიფიკაციის კოდი, რომელიც გამოიყენება ყველა სახის ფინანსურ და ადმინისტრაციულ ტრანზაქციაში. სისტემა მოქმედებს 1973 წლიდან და დღეს უკვე საჭიროა თითქმის ყველა საჯარო და კერძო მომსახურების მიღებისას.

კოდი განისაზღვრება ფიზიკური პირის სახელის, გვარის, დაბადების თარიღისა და დაბადების ადგილის მიხედვით. იგი წარმოადგენს უნიკალურ ალფა-ნუმერულ კომბინაციას, რომელიც აუცილებელია იურიდიული და ფინანსური ოპერაციებისთვის.

სტრუქტურა – Codice Fiscale შედგება 16 სიმბოლოსგან:

1. პირველი სამი ასო – გვარის პირველი, მეორე და მესამე თანხმოვანი

2. შემდეგი სამი ასო – სახელის პირველი, მეორე და მესამე თანხმოვანი

3. ორი ციფრი – დაბადების წლის ბოლო ორი რიცხვი

4. ერთი ასო – დაბადების თვის კოდი:

5. ორი ციფრი – დაბადების დღის კოდი

   კაცებისთვის: ემთხვევა დაბადების დღეს (მაგ. 12)

   ქალებისთვის: დღეზე ემატება 40 (მაგ. 12 + 40 = 52)

6. ოთხი სიმბოლო – დაბადების ადგილის კოდი

   იტალიის ქალაქებისთვის – შესაბამისი კოდი

   უცხოელებისთვის – იწყება ასოთი Z, რასაც მოსდევს სამი სიმბოლო

   საქართველოს კოდია: Z254

7. ბოლო სიმბოლო – საკონტროლო ასო, რომელიც ავტომატურად გენერირდება და უზრუნველყოფს კოდის სისწორეს

Codice Fiscale წარმოადგენს უნიკალურ პირად კოდს, რომელიც სავალდებულოა იტალიაში ცხოვრების, მუშაობის, სწავლების ან ნებისმიერი ადმინისტრაციული პროცესისას.