ნოტარიუსის ონლაინ მომსახურება / განცხადება, თანხმობა

ნოტარიუსის ონლაინ მომსახურება / განცხადება, თანხმობა

საქართველო მსოფლიოში ერთადერთი ქვეყანაა, სადაც სანოტარო მოქმედება ონლაინ რეჟიმში სრულდება.

ვის შეუძლია, ისარგებლოს ონლაინ სანოტარო მომსახურებით?

ონლაინ სანოტარო სერვისით სარგებლობის უფლება აქვს საქართველოს ნებისმიერ მოქალაქეს ან საქართველოს ბინადრობის მოწმობის მქონე პირს.

რა არის საჭირო განცხადების ან თანხმობის ონლაინში დასამოწმებლად?

განცხადების ან თანხმობის ონლაინ რეჟიმში დასამოწმებლად გჭირდებათ: კომპიუტერი, ინტერნეტი, ვებკამერა, ყურსასმენი.

სანოტარო აქტის ონლაინში დამოწმებას ახორციელებს საქართველოს ტერიტორიაზე მოქმედი ნებისმიერი ნოტარიუსი კომუნიკაციის ელექტრონული საშუალებით.

ვინ უნდა ესწრებოდეს ონლაინშიპირის განცხადების დამოწმების პროცესს?

ონლაინ რეჟიმში განცხადების ან თანხმობის დამოწმების პროცესს უნდა ესწრებოდეს ორი პირი:
1. ხელმომწერი - პირი, რომელიც მარწმუნებლის (მინდობილობის გამცემის) ნაცვლად, მისი თხოვნით ხელს აწერს სანოტარო აქტს.
ხელმომწერი შეიძლება იყოს სანოტარო მოქმედების მონაწილის ნათესავი, მაგრამ ამავდროულად არ შეიძლება იყოს სანოტარო აქტის მონაწილე.

2. მოწმე - პირი, რომელიც მოწმის სტატუსით ესწრება სანოტარო მოქმედების შესრულებას და ასევე ხელს აწერს სანოტარო აქტს.

წყარო: საქართველოს ნოტარიუსთა პალატა

ფოტო: საქართველოს ნოტარიუსთა პალატა

სტატია არის ინფორმაციული ხასიათის და არ ემსახურება რომელიმე კონკრეტული ნოტარიუსის რეკლმას ან წამოჩენას როგორც საუკეთესოს.