იურიდიული სტატია

ჰაკერების მიერ იტალიური ჰოტელებიდან გატანილი ათიათასობით პასპორტი Darknet-ზე იყიდება

21-08-2025, 16:34 სიახლე / ემიგრანტები იტალიაში / სიახლეები 42 ნახვა

ციფრული სამყაროს სიფრთხილე კიდევ ერთხელ დადგა ყურადღების ცენტრში. იტალიური სასტუმროების სერვერებიდან ჰაკერებმა ათიათასობით უცხოელი ტურისტის პირადი ინფორმაცია მოიპარეს და ახლა ეს სკანირებული ფაილები უკვე გაყიდვადია Darknet-ზე.

გამოძიების ინფორმაციით, გატანილია 100,000-ზე მეტი სკანირებული დოკუმენტი - პასპორტები, პირადობის მოწმობები და სხვა დამადასტურებელი საბუთები, რომლებიც ტურისტებმა რეგისტრაციისას სასტუმროებს გადასცეს. აღნიშნული მონაცემები მოიცავს არა მხოლოდ იტალიის სასტუმროების სტუმრების პირად ინფორმაციას, არამედ ისეთ ტურისტულ ლოკაციებზე დამსვენებელთა მონაცემებს, როგორიცაა:

ვენეცია
ტრიესტი
კუნძული კაპრი
მალიორკა (ესპანეთი)

იტალიის ციფრულიზაციის სააგენტოს (AgID) განცხადებით, ჰაკერებმა სასტუმროების კომპიუტერულ სისტემებზე უნებართვო წვდომა მიიღეს 2025 წლის ივნისსა და აგვისტოს შორის პერიოდში. თავდამსხმელი, რომელიც Darknet-ზე ფსევდონიმით “mydocs” მოქმედებს, აცხადებს, რომ ფაილები სწორედ ამ გზით მოიპოვა.

სპეციალისტები და სააგენტოები ტურისტებს აფრთხილებენ სავარაუდო სერიოზული შედეგების შესახებ. მოპარული დოკუმენტების გამოყენება შესაძლებელია:

ყალბი დოკუმენტების შესაქმნელად
საბანკო ანგარიშების გახსნისთვის
კრედიტის ან სხვა ფინანსური სერვისების თაღლითურად მისაღებად
ციფრული იდენტობის მოსაპარად

ეს ნიშნავს, რომ დაზარალებულ პირებს შესაძლოა დიდი ფინანსური და იურიდიული პრობლემები შეექმნათ - განსაკუთრებით იმ შემთხვევაში, თუ თაღლითობა მათი სახელით განხორციელდება.

იტალიის ციფრულიზაციის სააგენტომ დაადასტურა ინციდენტის მასშტაბი და მოუწოდა სასტუმროებს უსაფრთხოების სისტემების გადახედვისკენ. ჯერჯერობით დასახელებულია ათი სასტუმრო, რომლებმაც ფაქტი დაადასტურეს, თუმცა სავარაუდოდ რეალური რაოდენობა გაცილებით მეტია.

როგორ დავიცვათ თავი?

საადვოკატო ბიურო ნაკაშიძე და პარტნიორები გირჩევთ, თუ იტალიაში ან სხვა ტურისტულ რეგიონებში სასტუმროში დარჩით ბოლო პერიოდში:

დაუყოვნებლივ გადაამოწმოთ თქვენი საბანკო და ონლაინ ანგარიშები
შეცვალოთ ყველა მნიშვნელოვანი პაროლი
გამოიყენოთ ორი ფაქტორიანი ავტორიზაცია
მიაწოდოთ ინფორმაცია ადგილობრივ საკონსულოს ან სამართალდამცავ ორგანოებს, თუკი რაიმე საეჭვო აქტივობას დააფიქსირებთ

შემდეგი ნაბიჯი