ცვლილებები სათამაშო ბიზნესთან დაკავშირებით

სათამაშო ბიზნესთან დაკავშირებით მიმიდნარე წლის ივნისიდან ამოქმედდა სხვადასხვა ნორმატიულ აქტში განხორცილებული ცვლილებები. კერძოდ, ცვლილება შევიდა:

„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებით დამტკიცებულ ინსტრუქციაში, რომლითც განისაზღვრა ნებართვებისა და სათამაშო ბიზნესის მოსაკრებლის გადახდის ნიშნების გაცემის პროცედურები, სანებართვო მოწმობის ფორმები და ასევე ნებართვის მფლობელი პირის რეორგანიზაციისას ნებართვის გადაცემასთან დაკავშირებული საკითხები. (ამოქმედების თარიღი 11.06.2024).

ფინანსთა მინისტრის 2010 წლის 31 დეკემბრის №996 ბრძანებაში განხორციელებული ცვლილება განპირობებულია „ლიცენზიებისა და ნებართვების შესახებ“ საქართველოს კანონში 2023 წლის 9 თებერვალს შესული ცვლილებებით (ამოქმედების თარიღი 2024 წლის 1 ივნისი), რომლითც განისაზღვრა ახალი ნებართვის სახეები, კერძოდ:

• სისტემურ-ელექტრონული ფორმით სამორინის თამაშობების ორგანიზების ნებართვა;
• სისტემურ-ელექტრონული ფორმით სათამაშო აპარატების თამაშობების ორგანიზების ნებართვა;
• სისტემურ-ელექტრონული ფორმით ტოტალიზატორის თამაშობების ორგანიზების ნებართვა.

მიმდინარე წლის 1 ივნისიდან ამოქმედდა 2023 წლის 9 თებერვლის ცვლილება „სათამაშო ბიზნესის მოსაკრებლის შესახებ“ საქართველოს კანონში, რომლითაც სათამაშო ბიზნესის მოსაკრებლის ობიექტებად განისაზღვრა:

• სამორინის მოწყობის ნებართვის საფუძველზე გაცემული სათანადო ნებართვის შესაბამისად სისტემურ-ელექტრონული ფორმით ორგანიზებული სამორინის თამაშობები;
• სათამაშო აპარატების სალონის მოწყობის ნებართვის საფუძველზე გაცემული სათანადო ნებართვის შესაბამისად სისტემურ-ელექტრონული ფორმით ორგანიზებული სათამაშო აპარატების თამაშობები;
• ტოტალიზატორის მოწყობის ნებართვის საფუძველზე გაცემული სათანადო ნებართვის შესაბამისად სისტემურ-ელექტრონული ფორმით ორგანიზებული ტოტალიზატორის თამაშობები.

ამავე საკანონმდებლო ცვლილების ფარგლებში, ცვლილება განხორციელდა „სსიპ შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში (გავრცელდა 2024 წლის 1 ივნისიდან წარმოშობილ ურთიერთობებზე), რომლითაც. დადგინდა მომსახურების საფასურები მომსახურების გაწევისათვის:

1. სისტემურ-ელექტრონული ფორმით სამორინის თამაშობების ორგანიზების ნებართვის გაცემა (მათ შორის, სამორინის მოწყობის ნებართვის საფუძველზე, სისტემურ-ელექტრონული ფორმით სამორინის თამაშობების ორგანიზების ნებართვის გაცემა)

20 სამუშაო დღე უფასო

10 სამუშაო დღე 25000 ლარი

5 სამუშაო დღე 30000 ლ

2. სისტემურ-ელექტრონული ფორმით სათამაშო აპარატების თამაშობების ორგანიზების ნებართვის გაცემა (მათ შორის, სათამაშო აპარატების სალონის მოწყობის ნებართვის საფუძველზე, სისტემურ-ელექტრონული ფორმით სათამაშო აპარატების თამაშობების ორგანიზების ნებართვის გაცემა)

20 სამუშაო დღე უფასო

10 სამუშაო დღე 25000 ლარი

5 სამუშაო დღე 30000 ლ

3. სისტემურ-ელექტრონული ფორმით ტოტალიზატორის თამაშობების ორგანიზების ნებართვის გაცემა

20 სამუშაო დღე უფასო

10 სამუშაო დღე 5000 ლარი

5 სამუშაო დღე 10000 ლარი

ამასთან, ლატარიების, აზარტული და მომგებიანი თამაშობების მოწყობის შესახებ“ საქართველოს კანონში 2023 წლის 9 თებერვალს შეტანილი ცვლილების მე-2 მუხლის მიხედვით, 2024 წლის 1 ივნისამდე სისტემურ-ელექტრონული ფორმით მოწყობილი აზარტული ან /და მომგებიანი თამაშობების მომწყობმა პირებმა 2024 წლის 1 ივლისამდე უნდა უზრუნველყონ სისტემურ -ელექტრონული ფორმით აზარტული ან /და მომგებიანი თამაშობების ორგანიზებისთვის შესაბამისი ნებართვის აღება .აღნიშნულ შემთხვევაში აზარტული ან /და მომგებიანი თამაშობების ორგანიზატორებს 2024 წლის 1 ივლისამდე სისტემურ-ელექტრონული ფორმით აზარტული ან /და მომგებიანი თამაშობების მოწყობა არ ჩაეთვლებათ საქმიანობის უნებართვოდ განხორციელებად .

განცხადებას შემოსავლების სამსახური ავრცელებს.