საგამოძიებო სამსახურის უფროსმა სოსო რამიშვილმა და სხვა ხელმძღვანელმა პირებმა ლატვიის რესპუბლიკის ფინანსთა სამინისტროსა და სახელმწიფო შემოსავლების სამსახურის საგადასახადო და საბაჟო პოლიციის დეპარტამენტის დელეგაციას უმასპინძლეს

'' ლატვიის რესპუბლიკის ფინანსთა სამინისტროსა და სახელმწიფო შემოსავლების სამსახურის დელეგაციის ვიზიტი
საგამოძიებო სამსახურის უფროსმა სოსო რამიშვილმა და სხვა ხელმძღვანელმა პირებმა ლატვიის რესპუბლიკის ფინანსთა სამინისტროსა და სახელმწიფო შემოსავლების სამსახურის საგადასახადო და საბაჟო პოლიციის დეპარტამენტის დელეგაციას უმასპინძლეს, რომელსაც ხელმძღვანელობდა ფინანსთა სამინისტროს სახელმწიფო მდივნის მოადგილე ოლგა ბოგდანოვა. ლატვიელი კოლეგები დეტალურად გაეცნენ საგამოძიებო სამსახურის საქმიანობის სპეციფიკას, პრიორიტეტებს და ასევე, ბოლო პერიოდში მიღწეულ შედეგებს.

ლატვიის ფინანსთა სამინისტროში დაგეგმილი სტრუქტურული რეორგანიზაციის გათვალისწინებით, სახელმწიფო შემოსავლების სამსახურის საგადასახადო და საბაჟო პოლიციის დეპარტამენტის დირექტორს აიგარს პრუსაკსსა და დელეგაციის წევრებს მიეწოდათ ამომწურავი ინფორმაცია საგამოძიებო სამსახურის 20-წლიანი ისტორიის მანძილზე განხორციელებული ინსტიტუციონალური ცვლილებებისა და დღეის მდგომარეობით არსებული მანდატის შესახებ. მხარეებმა განიხილეს საფინანსო-ეკონომიკურ სფეროში ჩადენილ დანაშაულთა წინააღმდეგ ბრძოლის კონკრეტული მიმართულებები, მათ შორის ანალიტიკური საქმიანობის, ინფორმაციის მოპოვებისა და დამუშავების, დანაშაულის გამოვლენის, პრევენციის, აღკვეთისა და გამოძიების პროცესში მტკიცებულებების მოპოვების ხერხები და მეთოდები.

შეხვედრის დასასრულს, ქართველმა და ლატვიელმა კოლეგებმა აღნიშნეს, რომ გადასახადებისთვის თავის არიდების, ფულის გათეთრების, აქციზს დაქვემდებარებული პროდუქციის არალეგალური ბრუნვის და საფინანსო-ეკონომიკურ სფეროში ჩადენილი კიბერკომპონენტის შემცველი დანაშაულის წინააღმდეგ ბრძოლის მიმართულებით თანამშრომლობის გაღრმავება, ორივე სახელმწიფოს ინტერესებიდან გამომდინარე, ხელს შეუწყობს საფინანსო-ეკონომიკური დანაშაულების რისკის მინიმუმამდე დაყვანას '' - აღნიშნულია ფინანსთა სამინისტროს საგამოძიებო სამსახურის განცხადებაში.

Visit of delegation of the Ministry of Finance and the State Revenue Service of the Republic of Latvia

Head of Investigation Service, Soso Ramishvili, and management team members hosted the delegation of the Ministry of Finance of the Republic of Latvia and the Tax and Customs Police Department of the State Revenue Service, leaded by Olga Bogdanova - Deputy State Secretary of the Ministry of Finance. Latvian colleagues got acquainted in details with the specifics of the Investigation Service activities, its priorities and the results achieved within the recent period.

Considering the planned structural reorganization in the Ministry of Finance of Latvia, Aigars Prusaks - Director of the Tax and Customs Police Department of the State Revenue Service and members of the delegation were provided with comprehensive information about the institutional changes implemented during the 20-year history of Investigation Service and its current mandate. The parties discussed the specific directions of the fight against crimes committed in the financial-economic field, analytical activities, information gathering and processing, crime detection, prevention and suppression, including ways and methods of obtaining evidence in the process of investigation.

At the end of the meeting, Georgian and Latvian colleagues noted that deepening of cooperation in the direction of tax evasion, money laundering, combating the illegal circulation of products subject to excise and crimes with a cyber-component committed in the financial and economic field, considering the interests of the both States, would help to minimize the risks of financial-economic crimes.

კონსულტაციისთვის დაგვიკავშირდით