ევროკავშირი გარკვეული პროდუქციის რუსეთში ტრანზიტის აკრძალვას განიხილავს

ევროგაერთიანება ცდილობს რუსეთის წინააღმდეგ დაწესებული სანქციების აღსრულების კონტროლი გაამკაცროს. ტრანზიტის აკრძალვა სხვადასხვა ტექნიკასა და საქონელს შეეხება, მათ შორის არის სატრანსპორტო საშუალებები და ტექნოლოგიები.

ახალი შემზღუდავი ზომები სანქციების მე-11 პაკეტის ნაწილი იქნება, რაზეც ევროკომისია მუშაობს. როგორც Bloomberg წყაროზე დაყრდნობით წერს, რუსეთს შესაძლებლობა აქვს მიიღოს სანქცირებული პროდუქტი. კერძოდ, რუსეთი მესამე ქვეყნების გავლით იღებს ევროკავშირში ან სხვა მოკავშირე ქვეყნებში წარმოებულ ჩიპებსა და სხვა ტექნიკას.

პოლონეთი, ესტონეთი და ლიეტუვა ევროკავშირის ხელმძღვანელ პირებს მოუწოდებენ, იმ საქონლისა და ტექნოლოგიების ტრანზიტი რუსეთში აიკრძალოს, რომლებიც შესაძლოა, რუსეთმა სამხედრო მიზნებისთვის გამოიყენოს ან საავიაციო და სხვა ინდუსტრიებმა მიიღონ.

ომის წლისთავზე ევროკავშირმა სანქციების ჯერჯერობით ბოლო მე-10 პაკეტი დაამტკიცა, რომელიც ორმაგი გამოყენების საქონლის ტრანზიტის აკრძალვას მოიცავს. სანქციები ვრცელდება 121 ადამიანსა და ორგანიზაციაზე, ხოლო დაწესებული შეზღუდვები გავლენას მოახდენს რუსეთიდან იმპორტსა და ექსპორტზე, ასევე რუსული პროპაგანდისტული მედიის მუშაობაზე.

წყარო:bm.ge

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.