ევროპულმა საბჭომ ოკუპირებულ რეგიონებში გაცემული საბუთების არაღიარების გადაწყვეტილება მიიღო

ევროპულმა საბჭომ უკრაინისა და საქართველოს ოკუპირებულ ტერიტორიებზე გაცემული სამგზავრო დოკუმენტების არაღიარების გადაწყვეტილება მიიღო.

ევროპული საბჭოს თქმით, რუსეთის სამგზავრო დოკუმენტები, რომლებიც გაცემულია უკრაინაში რუსეთის ოკუპირებული რეგიონების ან საქართველოს სეპარატისტული რეგიონების ტერიტორიებზე ან მათი მოსახლეობისადმი არ იქნება მიჩნეული ვალიდურ სამგზავრო დოკუმენტებად, ანუ ამგვარი დოკუმენტების მფლობელები ვერ შეძლებენ ევროკავშირის წევრი ქვეყნების ვიზის მიღება ან შენგენის ზონის საზღვრების გადალახვას.

საბჭოს თქმით, ეს გადაწყვეტილება არის პასუხი უკრაინის წინააღმდეგ რუსეთის არაპროვოცირებული და გაუმართლებელ სამხედრო აგრესიაზე და რუსული საერთაშორისო პასპორტების ოკუპირებული რეგიონის მოსახლეობისთვის გადაცემის პრაქტიკაზე.

საბჭოს თქმით, ამ გადაწყვეტილების მიზანი ერთიანი მიდგომის შემუშავებაა, რაც ბლოკის ქვეყნებში ვიზის საერთო პოლიტიკის დანერგვას და მათი წევრი ქვეყნების უსაფრთხოების დაცვას ემსახურება.