გენდერულ დისკრიმინაციასთან დაკავშირებული ერთ-ერთი ყველაზე მსხვილი კოლექტიური დავა დასრულდა

უოლ-სტრიტის ისტორიაში გენდერულ დისკრიმინაციასთან დაკავშირებული ერთ-ერთი ყველაზე მსხვილი კოლექტიური დავა დასრულდა. Reuters-ის ინფორმაციით, ამერიკის შეერთებული შტატების ერთ-ერთი უმსხვილესი ბანკი, Goldman Sachs-ი კომპენსაციის სახით $215 მილიონის გადახდას დათანხმდა.

დავა, რომელიც თითქმის ცამეტი წელია მიმდინარეობს, სასამართლოში არ გადაინაცვლებს. კომპანიასა და დაზარალებულებს შორის მიღწეული შეთანხმება, საერთო ჯამში, Goldman Sachs-ის 2887 ამჟამინდელ და ყოფილ თანამშრომელს ეხება, რომლებიც საინვესტიციო ბანკინგის, მენეჯმენტისა და ფასიანი ქაღალდების მიმართულებით მუშაობდნენ. გარიგების დასრულების შემდეგ, სამართლებრივი დანახარჯების გამოკლებით, თითოეული დაზარალებული დაახლოებით $47 ათასს მიიღებს, მაგრამ ამისთვის სასამართლოს დასტურია საჭირო.

“ამ შეთანხმებით ყველა ბედნიერი და ამაყია, რადგან ამაში ძალიან დიდი შრომა ჩავდეთ”, - განაცხადა დაზარალებულების უფლებადამცველი კომპანიის, Lieff Cabraser Heimann & Bernstein-ის პარტნიორმა, ენ შავერმა. “ეს კაზუსი სხვა ადამიანებს ხმის ამოღებისკენ უბიძგებს”.

ამასთან, მნიშვნელოვანია ისიც, რომ შეთანხმება Goldman Sachs-ის მიერ ბრალის აღიარებას არ მოიაზრებს. შეგახსენებთ, რომ გენდერული დისკრიმინაციის დავებში გარიგებები, ამ დრომდე, სხვა უმსხვილეს ბანკებსაც გაუფორმებიათ, მათ შორის Bank of America-ს, Citigroup-სა და Morgan Stanley-ს. ასეთი ტიპის სამართლებრივი დავები განსაკუთრებით გახშირდა სოციალური მოძრაობის, #MeToo-ს წამოწყების შემდეგ, რომლის ფარგლებში ათიათასობით ქალმა სამუშაო სივრცეში გენდერულ და სექსუალურ ძალადობაზე ღიად დაიწყო საუბარი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.