გენდერული დისკრიმინაციის გამო Goldman Sachs-ი $215 მილიონის ჯარიმას გადაიხდის

უოლ-სტრიტის წამყვანი საინვესტიციო ბანკი მრავალწლიანი სასამართლო დავის მორიგებით დასრულების გადაწყვეტილებას იღებს. გენდერული დისკრიმინაციის გამო, Goldman Sachs-ს მიყენებული ზიანის ასანაზღაურებლად 215 მილიონი დოლარის ჯარიმის გადახდა მოუწევს.

საქმე ეხება ნიუ-იორკის სასამართლოში შეტანილ კოლექტიურ სარჩელს, რომლითაც Goldman Sachs-ის ყოფილი თანამშრომლები საინვესტიციო ბანკს უთანასწოროდ მოპყრობაში და გენდერული ნიშნით დისკრიმინაციაში ადანაშაულებდნენ. Goldman-ის 2,800-მდე ქალი თანამშრომელი ამტკიცებს, რომ მათი ანაზღაურება და სამუშაო პირობები გაცილებით უარესი იყო, ვიდრე იდენტურ პოზიციაზე დასაქმებული მამაკაცი კოლეგების.

აღნიშნული ბრალდებით Goldman-ის წინააღმდეგ საქმე ჯერ კიდევ 2010 წელს აღიძრა, 2018 წელს კი სასამართლო დავა მასშტაბურ კოლექტიურ სარჩელში გადაიზარდა, რომელში თავის დაცვას საინვესტიციო ბანკი ფაქტობრივად ვერ შეძლებდა, დავის მორიგებით დასრულების გადაწყვეტილებაც Goldman-მა სწორედ ამიტომ მიიღო.

Goldman Sachs-ი მსოფლიოს ერთ-ერთი უმსხვილესი საბანკო-საფინანსო ორგანიზაციაა, რომლის საბაზრო კაპიტალიზაცია ამჟამად 109 მილიარდ დოლარს შეადგენს. კომპანია მსოფლიოს მასშტაბით 45,000-მდე თანამშრომელს ასაქმებს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.