დოკუმენტის აპოსტილით დამოწმება

დოკუმენტის აპოსტილით დამოწმება

იურისტი ნათია ნაკაშიძე გვესაუბრება აპოსტილის დამოწმებაზე და სანოტარო დამოწმებაზე

ქალბატონო ნათია, რა დასტურდება აპოსტილით დამოწმებისას?
აპოსტილით დამოწმებისას დასტურდება საქართველოს ტერიტორიაზე შედგენილ დოკუმენტებზე არსებული ხელმოწერის ნამდვილობა, ხელმომწერი პირის უფლებამოსილება, ხოლო დოკუმენტის ბეჭდით ან შტამპით დამოწმების შემთხვევაში – მათი ავთენტიკურობა.

რა დოკუმენტებს ამოწმებენ აპოსტილით თქვენი წარმომადგენლობისას ყველაზე ხშირად?
პრაქტიკაში ყველაზე ხშირად გვიწევს დამოწმება:

ნასამართლეობის ცნობის,

დაბადების მოწმობის,

ქორწინების მოწმობის,

ქორწინებაში არ ყოფნის დამადასტურებელი დოკუმენტის

განათლების დამადასტურებელი დოკუმენტების:

ატესტატი,დიპლომი...

რას გულისხმობს დოკუმენტის ასლის დამოწმება?

დოკუმენტის ასლის დამოწმება აღნიშნული ასლის დედანთან ან დამოწმებულ ასლთან (ასლის ასლთან) შესაბამისობის დადასტურებას გულისხმობს. ამიტომ, ნოტარიუსთან ასლის დამოწმებისას თან უნდა იქონიოთ დოკუმენტის დედანი და/ან მისი დამოწმებული ასლი.

1. აპოსტილის შემსრულებელი პასუხისმგებელია აპოსტილის არასწორად შესრულების ან ამ წესის რაიმე ფორმით დარღვევისათვის, მოქმედი კანონმდებლობის შესაბამისად. ამ წესის მოთხოვნათა დარღვევით აპოსტილით დამოწმებულ დოკუმენტს არ გააჩნია იურიდიული ძალა. იმ სახელმწიფოებთან დაკავშირებით, რომლებიც არ არიან მიერთებული „უცხოეთის ოფიციალური დოკუმენტების ლეგალიზაციის მოთხოვნის გაუქმების შესახებ“ ჰააგის 1961 წლის 5 ოქტომბრის კონვენციას, ვრცელდება საქართველოს კანონმდებლობით დადგენილი

ლეგალიზაციის წესები.

აპოსტილით მოწმდება შემდეგი დოკუმენტები:

ა) სამედიცინო დაწესებულებების მიერ თავიანთი უფლებამოსილების ფარგლებში გაცემული დოკუმენტები;

ბ) საქართველოს განათლებისა და მეცნიერების სამინისტროსა და მის სისტემაში შემავალი ორგანოების მიერ გაცემული დოკუმენტები, ასევე საგანმანათლებლო დაწესებულებების მიერ თავიანთი უფლებამოსილების ფარგლებში გაცემული დოკუმენტები;

გ) სასამართლო ორგანოების მიერ გაცემული დოკუმენტები;

დ) სანოტარო აქტები;

ე) საქართველოს ადმინისტრაციული ორგანოების მიერ გაცემული დოკუმენტები;

ვ) ადმინისტრაციული ორგანოების მიერ ასლის დედანთან იგივეობის დამადასტურებელი დამოწმების ფურცელი;

ზ) აპოსტილით დამოწმებას დაქვემდებარებული დოკუმენტის ადმინისტრაციული ორგანოს მიერ განხორციელებული თარგმანი.

2. აპოსტილით დამოწმებას ექვემდებარება როგორც დოკუმენტის ორიგინალი, ისე ნოტარიულად დამოწმებული დოკუმენტის ასლი და ადმინისტრაციული ორგანოების მიერ ასლის დედანთან იგივეობის დამოწმების ფურცელი

3. დოკუმენტის ნოტარიულად დამოწმებული ასლის აპოსტილით დამოწმება გულისხმობს დოკუმენტზე არსებული ხელმოწერის ნამდვილობის, ხელმომწერი პირის უფლებამოსილების, ხოლო დოკუმენტის ბეჭდით ან შტამპით დამოწმების შემთხვევაში – მათი ავთენტიკურობის დადასტურებას.

4. ადმინისტრაციული ორგანოს მიერ დამოწმებული ასლის აპოსტილით დამოწმება გულისხმობს დოკუმენტის დამოწმების ფურცელზე ან დოკუმენტზე არსებული ხელმოწერის ნამდვილობის, ხელმომწერი პირის უფლებამოსილების, ხოლო დოკუმენტის ბეჭდით ან შტამპით დამოწმების შემთხვევაში – მათი ავთენტიკურობის დადასტურებას.

რა დასტურდება ნოტარიუსთან დოკუმენტის ასლის დამოწმებისას?

დოკუმენტის ასლის დამოწმება აღნიშნული ასლის დედანთან ან დამოწმებულ ასლთან (ასლის ასლთან) შესაბამისობის დადასტურებას გულისხმობს.

გაითვალისწინეთ! ნოტარიუსთან ასლის დამოწმებისას თან უნდა იქონიოთ დოკუმენტის დედანი და/ან მისი დამოწმებული ასლი.

როგორც ჩვენთვის ცნობილია ხშირია სანოტარო დამოწმებები და კონკრეტულად რა დოკუმენტებს ამოწმებთ როცა მოქალაქეები მოგმართავენ?

კანონით დასაშვებია:

პასპორტის,

პირადობის მოწმობის,

სატრანსპორტო საშუალების

მართვის მოწმობის,

მკაცრი აღრიცხვის დოკუმენტების (საგადასახადო ანგარიშფაქტურები და სხვ.)

და სხვა ისეთი დოკუმენტების ფოტოასლების დედანთან შესატყვისობის დამოწმება, რომლებიც შეიძლება არსებობდეს მხოლოდ ერთი ეგზემპლარის – დედნის სახით. ასეთი სახით დამოწმებულ ფოტოასლს არ აქვს დედნის ძალმოსილება და იგი ვერ ცვლის დოკუმენტის დედანს.

შეიძლება დამოწმდეს ისეთი დოკუმენტის ასლი, რომელიც შეიცავს ამოშლილ, ამოფხეკილ ან გადახაზულ სიტყვებს, წინადადებებს, მინაწერებს... ასეთ შემთხვევაში, ნოტარიუსი დეტალურად აღწერს დამადასტურებელ წარწერაში.

დაგეხმარებით ნებისმიერი სირთულის საქმეზე