პარლამენტში „შვილად აყვანისა და მინდობით აღზრდის შესახებ“ კანონის აღსრულების კონტროლის ანგარიშის პრეზენტაცია გაიმართა

საქართველოს პარლამენტში „შვილად აყვანისა და მინდობით აღზრდის შესახებ“ კანონის აღსრულების კონტროლის ანგარიშის პრეზენტაცია გაიმართა, რომელიც ნორმატიული აქტის აღსრულების კონტროლის ფარგლებში მომზადდა.

შეკრებილებს გააცნეს ჯგუფის მიერ შემუშავებული რეკომენდაციები, რომლებიც ეხება როგორც კანონის დახვეწას, ასევე მინდობით აღზრდის განვითარების კონცეფციის მომზადებას, ბავშვზე ზრუნვის სისტემაში კადრების დამატებას და მათი კვალიფიკაციის ამაღლებას, მინდობით აღზრდის წესში ცვლილების შეტანას, სახელმწიფო ზრუნვაში მყოფი ბავშვის სამართლებრივი სტატუსის დროულ დადგენას, მინდობით აღზრდაში მყოფ ბავშვთა მონიტორინგის დახვეწას და ა. შ.

ანგარიშში სულ თოთხმეტი რეკომენდაციაა წარმოდგენილი.

ანგარიში მომზადებულია ჯანმრთელობის დაცვისა და სოციალურ საკითხთა კომიტეტის მიერ ევროკავშირის (EU) და გაეროს განვითარების პროგრამის (UNDP) მხარდაჭერით.