ნიდერლანდების სპეცსამსახურმა (AIVD) გამოავლინა GRU-ს დაზვერვის ოფიცერი

ნიდერლანდების სპეცსამსახურმა (AIVD) გამოავლინა GRU-ს დაზვერვის ოფიცერი, რომელიც ცდილობდა სისხლის სამართლის საერთაშორისო სასამართლოში (ICC) "სტაჟირების" დაწყებას, რათა შეეგროვებინა ინფორმაცია უკრაინის სიტუაციის გამოძიების შესახებ. სპეცსამსახური ასევე აღნიშნავს, რომ ICC იძიებს აგვისტოს ომის დროს ჩადენილ ომის დანაშაულებსაც.

GRU-ს ოფიცერი სერგეი ჩერკასოვი ნიდერლანდებში შემოსვლას ცდილობდა ბრაზილიური ყალბი ვინაობით, ვიქტორ მიულერის სახელით. ნიდერლანდებმა მიიღო აგენტის უკან ბრაზილიაში დეპორტაციის გადაწყვეტილება.

თვალშისაცემია, რომ სპეცსამსახურის მიერ აგენტის გამოვლენის შესახებ ასეთი დეტალური ინფორმაციის საჯაროდ დადება ძალზედ იშვიათი მოვლენაა.

დასკვნა: რუსეთი მთლად ისე ხელაღებითაც ვერ უგულვებელყოფს ICC-ის გამოძიებას, როგორც საჯარო რიტორიკაში აფიქსირებს.