ადვოკატის პროფესიული დღე 8 ნოემბერი!
ადვოკატის პროფესიული დღე 8 ნოემბერი!
საადვოკატო ბიურო „ნაკაშიძე და პარტნიორები“ გილოცავთ ადვოკატის პროფესიულ დღეს 8 ნოემბერს!
2025 წელი განსაკუთრებით მნიშვნელოვანი თარიღია, რდაგან საქართველოს ადვოკატთა ასოციაცია აღნიშნავს თავისი ერთიანი, დამოუკიდებელი და ძლიერი კორპორაციის 20 წლის იუბილეს.
ორი ათწლეულია, რაც ქართული ადვოკატურა ქმნის სტანდარტებს, აძლიერებს პროფესიის ავტორიტეტს და იცავს კანონის უზენაესობას სახელმწიფოს თითოეულ საფეხურზე.
ადვოკატის დღე არა მხოლოდ პროფესიული დღესასწაულია - ეს არის თავისუფლების, სამართლიანობისა და ადამიანის ღირსებისა და უფლებების დაცვის დღე.
ადვოკატი წარმოადგენს იმ განსაკუთრებულ ძალას, რომელიც იცავს ბალანსს მოქალაქესა და სახელმწიფოს შორის, უზრუნველყოფს სამართლიანი პროცესის განხორციელებას და არის მთავარი ფარი ადამიანთა უფლებების დარღვევის წინააღმდეგ.
აღსანიშნავია სიმბოლური დამთხვევაც - ადვოკატის დღე ემთხვევა ილია ჭავჭავაძის დაბადების დღეს. ილია, როგორც თავისუფლების, სამართლიანობისა და ეროვნულობის მარადიული სიმბოლო, ისტორიის ერთ-ერთ თვალსაჩინო ადვოკატადაც გვევლინება. მისი სიტყვა და ღვაწლი დღესაც განსაზღვრავს პროფესიის ღირებულებებს.
მართლმსაჯულების საარსებოდ აუცილებელია ძლიერი, დამოუკიდებელი და თავისუფალი ადვოკატურა - პროფესია, რომელიც საზოგადოებას აძლევს ნდობასა და უსაფრთხოების შეგრძნებას.
თუ ეს საკითხი შენს შემთხვევას ეხება, მიიღე პერსონალური კონსულტაცია
სტატია გაძლევს ზოგად სურათს, მაგრამ კონკრეტული სამართლებრივი მოქმედება ინდივიდუალურ განხილვას მოითხოვს.
თბილისი, ალ. ყაზბეგის №47
თბილისი, გურამიშვილის N23 ა
Bari, Piazza Nicola Balenzano, 12 A
