წევრთა საყურადღებოდ! - საქართველოს ადვოკატთა ასოციაცია

წევრთა საყურადღებოდ!

2023 წლის 23 დეკემბერს 12:00 საათზე ადვოკატთა ასოციაციის საერთო კრება გაიმართება.

გაცნობებთ, რომ 2023 წლის 23 დეკემბერს, 12:00 საათზე გაიმართება ადვოკატთა ასოციაციის საერთო კრება (რეგისტრაცია დაიწყება 11:00 საათზე). ადგილმდებარეობა: საქართველოს ეროვნული უნივერსიტეტი (მისამართი: ქალაქი თბილისი, წინანდლის ქუჩა N9, მეტრო „300 არაგველის“ მიმდებარედ).

მონაწილეთა რეგისტრაცია დაიწყება 11:00 საათზე და გაგრძელდება 12:00 საათამდე.

აქვე გაცნობებთ, რომ ქვორუმის არარსებობის შემთხვევაში, განმეორებითი საერთო კრება გაიმართება 2023 წლის 23 დეკემბერს 13:00 საათზე. განმეორებითი კრება უფლებამოსილია, მიუხედავად დამსწრე წევრთა რაოდენობისა.

განმეორებითი კრების მონაწილეთა რეგისტრაცია დაიწყება 12:10 საათზე და გაგრძელდება 13:00 საათამდე. ადგილმდებარეობა: საქართველოს ეროვნული უნივერსიტეტი (მისამართი: ქალაქი თბილისი, წინანდლის ქუჩა N9, მეტრო „300 არაგველის“ მიმდებარედ).

ადვოკატთა ასოციაციის 2023 წლის 23 დეკემბრის საერთო კრების დღის წესრიგი

1. წევრთა რეგისტრაცია და კრების გახსნა;
2. ხმის დამთვლელი კომისიის არჩევა;
3. ადვოკატთა ასოციაციის თავმჯდომარის 2023 წლის ანგარიშის წარდგენა;
4. ადვოკატთა ასოციაციის ეთიკის კომისიის 2023 წლის ანგარიშის წარდგენა;
5. ადვოკატთა ასოციაციის სარევიზიო კომისიის 2023 წლის ანგარიშის წარდგენა;
6. ადვოკატთა ასოციაციის წესდებაში (მუხლი 3. ასოციაციის ადგილსამყოფელი) ცვლილების შეტანა;
7. ადვოკატთა ასოციაციის აღმასრულებელი საბჭოს 1 წევრის არჩევნები;
8. ხმების დათვლა;
9. არჩევნების შედეგების გამოცხადება;
10. ადვოკატთა ასოციაციის საფეხბურთო ნაკრების და საჭადრაკო გუნდის დაჯილდოება;
11. კრების შეჯამება/დახურვა.

საერთო კრების ფარგლებში, 2023 წლის 23 დეკემბერს, გაიმართება ასოციაციის აღმასრულებელი საბჭოს წევრის არჩევნები.

არჩევნებში მონაწილეობის მსურველ კანდიდატთა საყურადღებოდ!

არჩევნებში მონაწილეობის მსურველ კანდიდატებს გთხოვთ, ადვოკატთა ასოციაციის წესდების მე-131 მუხლის თანახმად, 2023 წლის 12 დეკემბრის 18:00 საათამდე, ადვოკატთა ასოციაციაში (მისამართი: თბილისი, თინათინ ვირსალაძის 1-ლი ჩიხი, N1) ან ელექტრონულად შემდეგ ელ-ფოსტაზე: saertokreba@gba.ge პირადად წარმოადგინოთ განცხადება არჩევნებზე თქვენი კანდიდატურის ნომინირების შესახებ (განცხადების ფორმა იხ. ქვემოთ).

კანდიდატად ნომინირების თაობაზე განცხადების წარმოდგენის ვადის გასვლის შემდეგ (2023 წლის 12 დეკემბრის 18:00 საათი) კანდიდატის ნომინირება დაუშვებელია.

ასოციაციის აღმასრულებელი წევრად ნომინირებისთვის კანდიდატის მიერ წარმოსადგენი დოკუმენტები:

(ა) განცხადება ნომინირების შესახებ ფორმა - გადმოტვირთეთ აქ (ამობეჭდილი, შევსებული და ხელმოწერილი სახით);

(ბ) ავტობიოგრაფია (CV);

(გ) პირადობის დამადასტურებელი მოწმობის ასლი;

(დ) საადვოკატო საქმიანობის დამადასტურებელი მოწმობის ასლი.

„ადვოკატთა შესახებ“ საქართველოს კანონის 30.1. პუნქტის თანახმად, ადვოკატი არ შეიძლება არჩეულ იქნეს აღმასრულებელი საბჭოს წევრად თუ:

(ა) შეუსრულებელი აქვს სასამართლო წესით დაკისრებული ქონებრივი ვალდებულება;

(ბ) ბრალდებულის სახით მიცემულია სისხლისსამართლებრივ პასუხისგებაში;

(გ) უკანასკნელი 3 წლის განმავლობაში დადებული ჰქონდა დისციპლინური სახდელი ან უკანასკნელი 3 წლის განმავლობაში შეჩერებული ჰქონდა ასოციაციის წევრობა.

განცხადებები შესაბამისი თანდართული საბუთებით პირადად უნდა წარმოადგინოთ 2023 წლის 12 დეკემბრის, 18:00 საათამდე, შემდეგ მისამართზე: საქართველოს ადვოკატთა ასოციაცია, თბილისი, თინათინ ვირსალაძის 1-ლი ჩიხი, N1 ან ელექტრონულად შემდეგ ელ-ფოსტაზე: saertokreba@gba.ge

წყარო: საქართველოს ადვოკატთა ასოციაცია / Georgian Bar Association