ბინის მიღების მოთხოვნით განაცხადის შევსებისას საჭირო დოკუმენტაცია

ბინის მიღების მოთხოვნით განაცხადის შევსებისას საჭირო დოკუმენტაცია:

• ოჯახის ყველა სრულწლოვანი წევრის პირადობის მოწმობა;
• ოჯახის ყველა წევრის დევნილის მოწმობა;
• ოჯახის არასრულწლოვანი წევრების დაბადების მოწმობა;
• ქორწინების მოწმობა - ასეთის არსებობის შემთხვევაში;
• შეზღუდული შესაძლებლობების მქონე პირის ცნობა - ასეთის არსებობის შემთხვევაში;
• ცნობა ონკოლოგიური დაავადების შესახებ - ასეთის არსებობის შემთხვევაში;
• ვეტერანის მოწმობა - ასეთის არსებობის შემთხვევაში;
• სხვა ნებისმიერი დოკუმენტი, რომლის წარმოდგენის შემთხვევაში, დევნილთა გრძელვადიანი განსახლების კრიტერიუმების შესაბამისად, განსაზღვრულია დამატებითი ქულა.

შეგახსენებთ რომ, 2023 წლის 14 ნოემბრიდან, თბილისში, ზუგდიდში, ქუთაისსა და რუსთავში ახალაშენებულ კორპუსებში, განსახლების მსურველი დევნილი ოჯახების განაცხადების მიღება დაიწყო.

ახალი განაცხადი უნდა შეავსოს ყველა იმ ოჯახმა, ვისაც დევნილთა განსახლების პროგრამის ფარგლებში ბინის მიღება სურს. თბილისში ბინის მიღების მოთხოვნით განაცხადის გაკეთება მხოლოდ იმ დევნილ ოჯახებს შეუძლიათ, რომლებიც დედაქალაქში, 2013 წლის 1 ივნისამდე, არიან რეგისტრირებულები.

ზუგდიდში, ქუთაისსა და რუსთავში ბინის მიღების მოთხოვნით განაცხადის შევსება საქართველოს ნებისმიერ რეგიონში რეგისტრირებულ დევნილ ოჯახებს შეუძლიათ.

განაცხადების შევსება, ქვეყნის მასშტაბით არსებულ იუსტიციის სახლებში, 2024 წლის 1 თებერვლამდე გაგრძელდება.