კომუნიკაციების კომისიამ “ტელეიმედი” 2500 ლარით დააჯარიმა

კომუნიკაციების კომისიამ “ტელეიმედი” ეთერში პროდუქტის კანონდარღვევით განთავსებისა და სპონსორობის წესების დარღვევისთვის 2500 ლარით დააჯარიმა. 2023 წლის აპრილში, ComCom-მა მაუწყებლის ეთერში განთავსებული პროგრამების მონიტორინგი ჩაატარა, რომლის შედეგად, გადაცემებში დარღვევები გამოვლინდა.

კერძოდ, დაირღვა “მაუწყებლობის შესახებ” საქართველოს კანონის ეთერში პროდუქტის განთავსების წესები, რომლის მიხედვით, აკრძალულია პროდუქტისთვის გადაჭარბებული მნიშვნელობის მინიჭება, პროდუქტის შეძენისკენ მოწოდება, გადაცემის შინაარსზე სარეკლამო ტექსტებით გავლენის მოხდენა და აზარტული თამაშებისა და ტოტალიზატორის ორგანიზატორის პროდუქტის პროგრამაში განთავსება. გარდა ამისა, დარღვეულია “მაუწყებლობის შესახებ” საქართველოს კანონით გათვალისწინებული სპონსორობის წესებიც, რომელიც სპონსორობისას პროდუქტის შეძენისა და მოხმარებისაკენ მოწოდებას კრძალავს.

გამომდინარე იქედან, რომ ტელეკომპანია “ტელეიმედის” მხრიდან, ბოლო ერთი წლის განმავლობაში, ადგილი ჰქონდა ეთერში პროდუქტის განთავსების წესის დარღვევას, რის გამოც ComCom-მა მაუწყებელი წერილობით გააფრთხილა, კანონდარღვევის განმეორებისთვის ტელევიზია 2500 ლარით დაჯარიმდა.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.