„საირმეს“ თანამშრომლები გაიფიცნენ

საირმე მინერალ ვოთერსის“ თანამშრომლები გაიფიცნენ. ინფორმაცია ამის შესახებ აგრო მეურნეობის, ვაჭრობისა და მრეწველობის პროფკავშირი ავრცელებს.

როგორც დაანონსდა, გამომდინარე იქიდან რომ მოლაპარაკებებმა შედეგი არ გამოიღო, დღეს 13.02.2023 ლაბორის ორგანიზებით „საირმე მინერალ ვოთერსის“ თანამშრომლები ღირსეული სამუშაო პირობებისა და სამართლიანი ანაზღაურების მოთხოვნით გაიფიცნენ.

გაფიცვა უვადოა და გაგრძელდება იქამდე, სანამ არ დაკმაყოფილდება მოთხოვნები.

ამ ეტაპზე ქარხნის მიმდებარე ტერიტორიაზე იმყოფებიან გაფიცულები, სამართალდამცავები, ადმინისტრაციის წარმომადგენლები და მათ მიერ მოყვანილი ადამიანები გაფიცულების ჩასანაცვლებლად“, - ნათქვამია პროფკავშირის მიერ გავრცელებულ ინფორმაციაში.

დასაქმებულები ითხოვენ: ხელფასების 30%-იან ზრდას, „საქსტატის“ მონაცემების შესაბამისად ხელფასების ყოველწლიურ ინდექსაციას, საპენსიო გადასახადის დამსაქმებლის მიერ დაფარვას, ღირსეულ და უსაფრთხო შრომით პირობებს, აპროტესტებენ ქარხანაში არსებულ ანტისანიტარიას და ითხოვენ მის მოწესრიგებას, დამსაქმებლის მხრიდან შანტაჟისა და მუქარის აკრძალვას, კოლექტიურ შეთანხმებას, კომპანიის დამფუძნებლებთან შეხვედრას.

„მედიაციის პროცესში კომპანია ჩვენი მოთხოვნების დათმობას თითქმის სრულად ითხოვდა, რაც ჩვენთვის მიუღებელი იყო და ამის შესახებ მათ იცოდნენ. სწორედ ამიტომ გადაწყვიტეთ პროტესტის ამ ფორმისთვის მიგვემართა“, - განმარტა გიორგი დიასამიძემ.